Gizartea

Bilbon Zazpikaleetako Maison13 gaztetxea hustu eta pertsona bat atxilotu du Ertzaintzak

Lekukoen arabera, kanpoan protestan ari zirenei oldartu zaizkie segurtasun indarrak.

Ertzaintza Bilboko alde zaharreko gaztetxearen kanpoaldean.
Ertzaintza Bilboko alde zaharreko gaztetxearen kanpoaldean. / Argazki Press

Berria -

2014ko abenduak 11

Goizean goiz hasi da Ertzaintza Bilboko Dendarikaleko gaztetxea husten. Hainbat lagun bildu dira eraikinaren kanpoaldean operazioa salatzeko. Lekukoen arabera, segurtasun indarrak oldartu egin zaizkie elkartasuna agertzera joandakoei, eta pertsona bat atxilotu eta beste hiru atzeman dituzte.

Gutxienez zortzi lagun zeuden eraikinaren barruan Ertzaintza heldu denean, haietako lau hirugarren solairuko balkoiari kateatuta. Horiek askatzeko suhiltzaileen laguntza behar izan dute segurtasun indarrek. Kanpoan bildutakoek txaloka hartu dituzte kanporatutakoak.

Gertatutakoa gaitzetsi eta kanporatutakoei elkartasuna adierazteko elkarretaratzea deitu dute arratsaldeko 18:00ean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna