PSN-ren Kongresua

Alderdi "sendo, batu eta parte hartzailea" nahi du Txibitek

PPren politikak eta "egoeraz baliatu nahian agertu diren ur nahasiko arrantzaleak" gaitzesteko baliatu du Patxi Lopezek PSNren kongresua.

Maria Chivite izendatuko dute gaur PSNko idazkari nagusi.
Maria Chivite izendatuko dute gaur PSNko idazkari nagusi. Jagoba Manterola / Argazki Press

Berria -

2014ko abenduak 13

Ez da ezustekorik izan PSNren kongresuan, eta Maria Txibitek hartu du Roberto Jimenezek utzitako tokia; arratsaldera arte, ordea, ez dute ofizialki idazkari nagusi kargurako izendatuko. Txibitek, dena den, argi utzi du alderdi "sendo, batu eta parte hartzailea" dela bere asmoa. "Guztion ahaleginak eta denborak nafarren erreferente bilakatuko gaitu berriz ere. Proiektuarekin, indarrarekin eta batasunarekin sozialistok Nafarroa geureganatuko dugu, eta erkidegoa berrituko dugu".

Roberto Jimenezek, berriz, barkamena eskatu die nafarrei PSNren buruzagitzan egon den denboran hartutako erabakiek mesederik egin ez badie. "Egin dudan guztia Nafarroaren ongizatean pentsatuz egin dut", nabarmendu du Jimenezek bere agur hitzaldian.

Goizean baita ere, Patxi Lopezek ongietorria egin dio Txibiteri PSNren buruzagitzan, eta eskerrak eman dizkio Jimenezi egindako lanagatik. Bide batez, hala ere, "ur nahasiak baliatu asmo" dituzten alderdiak gaitzetsi ditu. Halaxe esan du Podemosi erreferentzia eginez: "Oraindik agintera heldu ez bada ere, dagoeneko urratu du emandako hitza. Haren programako helburuak berak ere murriztuz doaz egunak igaro ahala".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna