Mundua

Klima aldaketari buruzko goi bilera luzatu egin dute akordioa lortzeko ahaleginean

Kyotoko Protokoloaren oinordekoa izango den akordioa hitzartu beharko lukete datorren urtean Parisen, eta haren oinarriak ezartzea da gaur amaitzekoa den Limako bileraren helburua. Negoziazioak, ordea, ez atzera ez aurrera daude.

Klima aldaketari buruzko goi bilera ari dira egiten Liman.
Klima aldaketari buruzko goi bilera ari dira egiten Liman. Paolo Aguilar / EFE

Berria -

2014ko abenduak 13

Bart gauean amaitzekoa zen klima aldaketari buruzko Limako goi bilera, akordiorik lortzeko ezintasunaren aurrean, baina, elkarrizketak luzatzea erabaki dute antolatzaileek, eta orduotan bilduta jarraitzen dute munduko potentzia nagusietako ordezkariek, datorren urteko Parisko goi bilerarako oinarriak adosteko ahaleginean.

Ekonomikoak dira oztopo nagusiak NBEko klima aldaketarako ordezkari Manuel Pulgar-Vidalek azaldu duenez. "Finantzaketaren inguruko auzietan ez dugu akordiorik lortu".

Horiek hala, eta nolabaiteko urratsak egite aldera, Pulgar-Vidalek eskatu die goi bilerako antolatzaileei testu laburrago bat osatzeko, "soilik oinarrizko puntuak" jasoko dituena.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna