EUROPAKO BATASUNA

Austeritatearen aurkako grebak Belgika geratu du

Michelen gobernuak erretiroa 67 urtera atzeratu nahi du eta soldata igoera automatikoak eten

Iker Aranburu -

2014ko abenduak 15

Eskualdekako greben ondoren, Belgika osoari eragiten dion greba orokorrera deitu dute gaurko herrialdeko sindikatu nagusiek. Jarraipen zabala izaten ari da: tren eta hegazkin trafikoa  ia geldirik dago, portuak blokeatuta, eskolak eta administrazioa itxita daude, eta industrian ere oso jarduera txikia dago. 

Hurrengo bost urteotan 11.000 milioi euro aurreztu nahi ditu Belgikako zentro-eskuineko gobernuak. Bi dira neurri esanguratsuenak: erretiroaren adina 65 urtetik 67ra atzeratu nahi du, eta eten soldatak inflazioari automatikoki lotzen dizkion legea. Sektore publikoaren murrizketek ere haserrea eragin dute.

Charles Michel buru duen koalizio gobernua urrian sortu zen, bost hilabeteko negoziazio luze eta gogorren ondoren. Walloniako alderdi bakarra dago —Michelen MR alderdi liberala—, eta Flandriako hiru: N-VA independentista, CD&V kristaudemokrata eta Open VLD liberala. Orain indarrean jarri nahi dituen neurriak gobernu programan negoziatutakoak dira, eta aurten defizit publikoa %3ra jaisteko helburua dute. Europako Batzordeak oharra egin berri dio Belgikari, neurriak hartu ezean ez duelakoan hitzartutakoa beteko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna