JUSTIZIA

Consuelo Madrigalek ordezkatuko du Torres-Dulce Espainiako fiskal nagusi gisa

Espainiako Kongresuko Izendapenen Batzordeak eman behar dio oniritzia orain, eta baiezkoa emanez gero, gobernuak izendatuko du ondoren.

Consuelo Madrigalek hartuko du Eduardo Torres-Dulceren lekukoa fiskaltzan.
Consuelo Madrigalek hartuko du Eduardo Torres-Dulceren lekukoa fiskaltzan. Paco Campos / EFE

Berria -

2014ko abenduak 19

Eduardo Torres-Dulce Espainiako fiskal nagusiak dimisioa eman zuen atzo, "arrazoi pertsonalengatik". Inork gutxik sinetsi du haren argudioa, ordea, tirabirak izan baititu PPren gobernuarekin.

Consuelo Madrigal Martinez-Pereda izango da Torres-Dulceren ordezkoa. Adingabeen Koordinazio Aretoko fiskalen burua da egun. Beste bost urtez kargu horretan jarraitzea proposatu zion iaz Torres-Dulcek berak.

Aurretik, Auzitegi Goreneko Zigor aretoan jardun zuen. 30 urtetik gora daramatza fiskal gisa lanean. Espainiako Kongresuko Izendapenen Batzordeak eta Botere Judizialaren Kontseilu Nagusiak eman behar diote oniritzia orain, eta baiezkoa emanez gero, gobernuak izendatuko du ondoren.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna