KOMUNIKAZIOA

Azken egunak Xaloa Telebista diruz laguntzeko

50.000 euro behar dituzte Iruñerrian euskara hutsezko telebista abiatzeko, eta lau egunen faltan, 37.340 euro bildu dituzte.

Urtarrilean hasiko dute denboraldi berria Xaloa telebistan. Irudian, telebistako langileak.
Urtarrilean hasiko dute denboraldi berria Xaloa telebistan. Irudian, telebistako langileak. / Xaloa

Berria -

2014ko abenduak 19

Xaloa Telebista 1997an hasi zen emititzen Baztan-Bertizarana-Malerrekan. Sorreratik bertatik, helburu nagusi batek bultzatu du haren jarduna: "Euskarazko telebista zerbitzu hurbila emateko helburua eta gogoa".

Euskararen erabilpena normalizatzeko sortu zen Xaloa Kultur Elkartea. Horretarako, euskara hutsez emititzen dute, euskararen estima soziala berreskuratzeko eta euskaraz hitz egiteko ohiturak indartzeko. Horrez gain, "eskualdeko garapen integralaren aldeko apustua" egin dute, bertako herritar, talde eta erakundeei lagunduz.

Nafarroako Gobernuak 2013an LTD kanalen esleipena egin zuenean, Xaloaren proiektua garatu eta euskararen normalizazioan laguntzeko "jauzi kualitatiboa" egiteko aukera ikusi zuten. Horregatik, lehiaketara aurkeztu eta eskuratu egin zuten Iruñerrian emititzeko lizentzia.

Lizentzia izatea "pozgarria" izateaz gain, "kezka iturri" ere badela diote: "Telebista medio garestia da, eta martxan jartzeko inbertsio handi samarrak eskatzen ditu: seinale digitala igortzeko multiplex delakoa, errepikagailuak, azpiegitura tekniko horren guztiaren mantenua...". Horiek finantzatzeko kanpaina abiatu zuten, eta 50.000 euro behar dituzte. Diru bilketa hasi zuten horretarako, eta lau egun falta dira epea ixteko.

Diru horrekin bi emisio zentro jarriko dituzte, Elo eta Ezkaba mendietan, Iruñerria osora ondo iritsi ahal izateko. Ordainketa horren zati bat egina dute jada, lanak aurreratzen joateko, baina ohartarazi dute kopuru osoa lortu ezean ezinezkoa izango zaiela Iruñerriko euskara hutsezko telebista martxan jartzea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna