BIZKAIKO BERTSOLARI TXAPELKETA

Fredi Paia, txapeldun

Hamalau urtean zazpigarren finala zuen Algortako bertsolariak. 901 puntu batu ditu, eta buruz burukoan Arkaitz Estiballes 2010 eta 2012ko garailearekin aritu da kantuan.

Bizkaiko Bertsolari Txapelketako finala Bilboko Miribillan.
Bizkaiko Bertsolari Txapelketako finala Bilboko Miribillan. Luis Jauregialtzo / Argazki Press

Igor Susaeta -

2014ko abenduak 20

Estiballesek 874,5 puntu batu ditu, Etxahun Lekuek 512, Oihana Bartrak 482,5, Jone Uriak 482, Onintza Enbeitak 479, Iratxe Ibarrak 478, eta Xabat Galletebeitia zortzigarren sailkatuak, azkenak, 452. Bilbao Arena kiroldegian 4.500 bat ikusle batu dira.

Paia (1981) hiru aldiz izana zen hirugarren Bizkaiko Bertsolari Txapelketan —2010ekoan ezik, beste aldi guztietan iritsi da finalera 2000. urtetik—, baina gaurkoa zuen aurreneko buruz burukoa. Finalaren atariko prentsaurrekoan, pasa den asteazkenean, Jose Mari zapatalari kantuari erreferentzia egin zion, eta zera adierazi: "'Kolpe, kolpe, kolpeka, josi eta josi' dio abestiaren leloak, bada hori egiten ahaleginduko naiz". Esan eta egin. Kristina Mardaras bertsolari eta bertsozaleak (Iurreta, Bizkaia, 1948) jarri dio txapela irabazleari. Bizkaiko bertsolaritzaren sustapenean lan handia egindakoa da Mardaras, bertsolari moduan lehenbizi, andrazkoak plazan kantuan ikustea hain ohikoa ez zen garaian —1982an kantatu zuen jende aurrean lehenengo aldiz—.

Beñat Zamalloa kazetariak zuzenean eman du finalaren berri.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna