Pilota

Aritz Laskurainek erretiroa hartu du

Hamabost hilabete zeramatzan jokatu gabe aldakako artrosiaren erruz

Aritz Laskurain, bere zale taldeko kide eta pankartarekin.
Aritz Laskurain, bere zale taldeko kide eta pankartarekin. R.B. / ARP

Imanol Magro Eizmendi -

2014ko abenduak 23

Aritz Laskurainek (Soraluze, 1979) gerrikoa eskegi du. Espero zen albistea da, baina gaur baieztatu du Aspe pilota enpresak. Atzelariak hamabost hilabete zeramatzan jokatu gabe aldakako artrosiaren erruz. Martxoan ebakuntza egin zioten baina ez du berriz puntan jokatzeko moduko sasoirik lortu. Abenduan bukatzen zitzaion Asperekin sinaturiko akordioa.

Laskurainek 2002an egin zuen debuta profesional mailan eta hamabi urteko profesional ibilbidea izan du. Debutatu eta gutxira ia urtebete egin zuen geldirik eskuan irten zitzaion garitxu baten erruz, baina indartsu itzuli zen. Urtebete baino gutxiago behar izan zuen Lehen Mailan finkatzeko.

Lorpenak: Hiru aldiz binakako txapeldunorde (2008, 2010 eta 2012); Bigarren Mailako binakako txapeldun (2004).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna