aeb

Poliziak gazte beltz bat hil du Missourin

Gasolindegi batean tirokatu dute 18 urteko gaztea.

Berria -

2014ko abenduak 24

Ferguson hiritik gertuko gasolindegi batean egin diote eraso gazteari, Missouri estatuan. Antonio Martinek gutxienez tiro bat jaso du, St. Louis Post-Dispatch egunkariak gaztearen senideen iturriak aipatuz dioenez. Poliziaren arabera, arma bat zeraman gazteak, eta tiroa egiteko keinua egin dio polizia bati. Horren ondotik, hamarnaka lagunek protesta egin dute inguruan, eta tokiko poliziek hainbat lagun atxilotu dituzte.

Ugariak dira azkenaldian AEBetan Poliziak beltzen aurka gehiegizko indarkeria erabiltzen duela erakusten duten kasuak. Azken asteetan, protesta ugari izaten ari dira hainbat hiritan, Poliziaren jokabidea salatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna