Joan den asteartean, Aitzina gazte antolakundeak euskarazko bide seinale berriak jarri zituen Ipar Euskal Herriko hamabost gunetan, Ipar Euskal Herriko onarpen instituzionala eta euskararen ofizialtasuna aldarrikatzeko.
Uztailean, Aitzinak Ipar Euskal Herriko herriak “frantsesten dituzten panelak” kendu zituen, eta uztailaren 14an Parisera zihoan tren baten barruan sartu zituen. Kanpainari amaiera emateko, euskara hutsean ziren panelak jarri zituzten Euskal Herriaren eta Frantziaren arteko mugan zein Ipar Euskal Herriko probintzien arteko mugetan. Gazte antolakundeak atzo sare sozialetan jakinarazi zuenez, Kontseilu Nagusiak panelak kendu ditu.
