'can auzia'

'CAN auziarekin' "probetxua" atera nahi izatea egotzi die Esparzak alderdiei

UPNko presidentegaia Nafarroako Kutxaren gaineko ikerketan "kolaboratzeko" prest agertu da.

Jose Javier Esparza. /
Jose Javier Esparza. / VILLAR LOPEZ / EFE

Berria -

2014ko abenduak 27

Nafarroako Kutxaren auziari buruzko ikerketa batzordearen sorrerarekin kritiko agertu da Jose Javier Esparza UPNko presidentegaia. Auzia ikertzearen alde agertu da, baina uste du "epaileek eta fiskalek" dutela zeregin hori, eta halako "gai serioekin probetxua ateratzen ahalegintzen" direnak kritikatu ditu. Haren iritziz, "alarma soziala" eragin dezakete halako egitasmoek. Urtarrilean sortuko dute batzordea, PSNk hala eskatuta.

Esparzak Europa Press berri agentziari emandako elkarrizketan esan duenez, "CANen gaia artxibatuta dago"; hala ere, onartu du oraindik Auzitegi Nazionalak zabalik duela ikerketaren lerroren bat. Epaile eta fiskalekin "kolaboratzeko" prest agertu da.

CAN auziaz ez ezik, hauteskundeez ere mintzatu da Esparza. Nafarroan ez du ikusten Bilduk zuzendutako gobernurik: "Uste dut herritarrek ez diotela emango Bilduri lurralde honen gobernua erabakitzeko aukera". Horrez gain, adierazi du UPNk ez dituela alderdi politiko baten interesak nafarren interesen gainetik jarriko: "Akordioak lortzeko gai bagara, gai izango gara; eta gai ez bagara, beste batek aginduko du", esan du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna