Albistea entzun

POLITIKA

Podemosek Hego Euskal Herriko 48 herritan izango du ordezkaritza, oraingoz

Hannot Sansinenea izango da idazkari nagusia Donostian, Lander Martinez Bilbon, Oscar Fresan Iruñean eta Fernando Iglesias Gasteizen.

Donostiako Bulebarrean Donostiako Podemoseko idazkari nagusia aukeratzeko mahai bat, abenduaren 30ean.
Donostiako Bulebarrean Donostiako Podemoseko idazkari nagusia aukeratzeko mahai bat, abenduaren 30ean.

Aitziber Laskibar Lizarribar -

2015eko urtarrilak 2

Herrietako kontseilu nagusiak osatzeko eta idazkari nagusia izateko hautagaiak dira aukeratutakoak. Lander Martinez (Antolatu eta Parte Hartu ildokoa) izango da Bilboko Podemos Ahal Dugu-ko idazkari nagusia, Fernando Iglesias Gasteizkoa (Denok Elkarrekin), Hannot Sansinenea Donostiakoa (Noski Ahal Dugula), eta Oscar Fresan Iruñekoa (Eta Orain Zer? Gehiengo Sozialak).

Hiriburuetan, 539 lagunek eman dute botoa Donostian, 339k Gasteizen, eta 439k Iruñean; Bilbon, bozketa aztertzen ari da Berme Demokratikoen Batzordea.

Hiru zerrenda aurkeztu dituzte Gasteizen: Denok Elkarrekin, Denon Artean eta Erdialdeko Zirkulua. Araban, hautagaitza bana aurkeztu dituzte Amurrion eta Dulantzin ere. Bizkaian, berriz, hiru zerrenda aurkeztu dituzte Bilbon; Ahal Dugu Guztiok Gara, Antolatu eta Parte Hartu eta Bilboko Noski Ahal Dela. Hiriburuan ez ezik, herri hauetan ere aurkeztu dituzte hautagaitzak: Barakaldon, Getxon, Santurtzin, Portugaleten, Basaurin, Leioan, Ermuan, Derion, Abanton, Plentzian, Urdulizen, Mungian, Bakion, Durangon, Larrabetzun, Balmasedan, Berangon, Gorlizen, Muskizen, Sopelan eta Trapagaranen.

Donostian, bi zerrenda izan dira lehian: Noski Ahal Dugula eta Donostian ere Ahal Dugu. Eibar, Irun, Errenteria, Pasaia, Zarautz, Hernani eta Lasarte-Orian ere badira hautagaiak. Nafarroan, Tuteran, Eguesen, Barañainen, Zizur Nagusian, Huarten, Antsoainen, Mendabian, Lizarran, Altsasun, Burlatan, Noainen, Atarrabian, Corellan eta Buñuelen aurkeztu dituzte hautagaiak, Iruñekoaz gain.

86.046 parte hartzaile

Espainiako Estatuan, 6.999 hautagai aurkeztu dira 770 udalerritan, eta 86.046 lagunek eman dute botoa; udalerri horietako biztanleen herenak, gutxi gorabehera. Claro Que Podemos sektoreak —alderdiko zuzendaritzak babestutakoak— jaso du boto gehien Madrilen, Bartzelonan eta Sevillan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Biktimen aldeko suontzia piztuta, atzo, Eusko Legebiltzarrean. ©BERRIA

Eusko Legebiltzarrak ez du lortu ETAren aurka agiri instituzional bat adostea

Edurne Begiristain

EH Bildu ez da batu legebiltzarrak ETA «gaitzesteko» onartutako testura. EAJ, PSE-EE, EP-IU, PP-C's eta Voxen babesa izan du proposamenak
Ezkerretik eskuinera, Jose Babiano, Javier Buces, Imanol Satrustegi eta Eider Landaberea, atzo, Bilbon. ©ARITZ LOIOLA / FOKU

Iraganari beha gaurko talaiatik

Gotzon Hermosilla

'Historia, giza eskubideak eta indarkeria politikoa' izeneko jardunaldiak egiten ari dira Bilbon, EHUko Unesco Katedrak eta Aranzadi elkarteak antolatuta. Lehenengo ekitaldian, frankismo berantiarreko, trantsizioko, eta demokrazia eta parlamentarismo garaiko bortxa politikoa aztertu dute.
 ©JON URBE / @FOKU

Beste «pauso» bat «etxerako bidean»

Oihane Puertas Ramirez

Euskal presoen eskubideen aldeko manifestaziora deitu du Sarek biharko, 17:00etan, Donostian. Espetxe politikaren aldaketa «sendotzeko» eskatuko dute
Hiriburuko polizia operazioa. ©B. EDME

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.