Grezia

Hollande: "Hartutako konpromisoak bete beharko ditu gobernu berriak"

Frantziako presidentea Merkelekin bilduko da datorren asteburuan Europaren etorkizunaz eztabaidatzeko.

François Hollande Frantziako presidentea.
François Hollande Frantziako presidentea. JULIEN WARNAND / EFE

Berria -

2015eko urtarrilak 5

Grezian, bozen atarian, gero eta ozenagoak dira eurogunetik ateratzearen alde egiten dutenen ahotsak. Dena den, Bruselatik oharra luzatu diete: erabakitzen dutena erabakitzen dutela ere aurreko gobernuek "hartutako konpromisoak" bete beharko dituzte. Frantziako presidente François Hollanderenak dira hitzok. Haren esanetan, eurogunean jarraitzeko erabakia Greziaren esku dago, baina emandako hitza bete egin beharko dute: "Europan arauak eta diziplinak daude, eta bete egin behar dira".

Hain zuzen ere, datorren asteburuan Alemaniako kantziler Angela Merkelekin bilduko da Hollande Europaren etorkizunaz hitz egiteko. Gobernuburu alemaniarrak asteburuan egindako adierazpenek hautsak harrotu dituzte nazioartean. Izan ere, Merkelen iritziz, Syrizak bozak irabaziz gero, posible litzateke Grezia eurogunetik ateratzea.

Abenduaren 29an eta 30ean —Dimasek gehiengoa lortu ez eta Samarasek bozetara deitu ostean— eginiko inkesta baten arabera, botoen %30,4 jasoko lituzke Syrizak, eta %27,3 Demokrazia Berria indar kontserbadoreak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna