'Charlie ni naiz' leloarekin bat egin dute ehunka herritarrek

 

Berria -

2015eko urtarrilak 7

Charlie Hebdo kazetaren azalekin edo Je suis Charlie (Charlie ni naiz) zioten afixekin, ehunka herritar irten dira kalera Lapurdin, gaur arratsean. Baionan, Angelun eta Miarritzen elkarretaratzeak egin dituzte 18.30etik aitzina. Baionakoa izan da jende gehien bildu duena, Herriko Etxearen aitzinean. Minutu bateko isilunea gorde dute, hildakoak gogoan.

Je suis Charlie mezu hori bizkor hedatu da sare sozialetan eta hedabideen artean, eta han-hemenka deialdiak egiten hasi dira. Frantzian, dozenaka herri eta hiritan egin dituzte halako elkarretaratzeak, mezu berarekin. Adierazpen askatasunaren aldeko mezua zabaldu dute guzietan, eta samina agertu dute gaur goizean Parisen gertatu den atentatuarengatik.

Nazioartean ere ugari egin dituzte elkarretaratzeak. Alemanian, Herrialde Katalanetan, Irlandan, Ingalaterran, Italian, Amerikako Estatu Batuetan, Espainian... Hainbat hiriburutan elkartu da jendea, maiz Frantziako kontsuletxeen eta enbaxaden aitzinean. Charlie Hebdo-ren kontrako atengatua salatu dute guztiek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna