Frantziako Fiskaltzak baieztatu du gaur goizean Parisen izan den tiroketa "ekintza terrorista" bat izan dela

Udaltzain bat hil du gizon batek, eta beste bat larri zauritu du.

Berria -

2015eko urtarrilak 8

Gaur goizean tiroketa bat izan da Paris hegoaldean. Frantziako Fiskaltzak jakinarazi duenez, armaturik zen gizon batek tiro egin eta udaltzain bat hil eta beste bat larri zauritu ditu. Fiskaltzak arratsaldeko lehen orduan baieztatu du "eraso terrorista bat" izan dela, eta erasotzailearen bila ari direla.

08:00etan gertatu da erasoa. Chatillongo Atearen inguruetan istripu bat izan da, eta udaltzainak hara joan dira. Iritsi direnean egin diete tiro. Hildako udaltzainak 35 urte zituen. Lekukoen arabera gizonak Renault Clio auto bat lapurtu zuen jarraian. Autoa Arcueil inguruan aurkitu dute, Paris hegoaldean bertan.

Frantziako segurtasun indarrak gizonaren bila ari dira. Fiskaltzak zehaztu du balentzako atorra zeramala, eta segurtasun indarren kontrako ekintza bat izanik ikerketa berak hartuko duela. Atzo Charlie Hebdo-ren aurkako erasoaz geroztik, 3.000 polizia mobilizatu dituzte Frantzian erasotzaileak aurkitzeko.

Fiskaltzak, ordea, oraingoz ez ditu lotu atzoko erasoa eta gaurkoa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna