Noiz sortua: 2015-01-09 17:58:48

'ChARLIE HEBDO'-REN AURKAKO ERASOA

Zazpi lagun hil dituzte bi bahiketak amaitzeko Poliziaren oldarraldietan

'Charlie Hebdo' astekariko langileak hil izanaren bi susmagarri gotortuta zeuden Dammartin-en-Goele herriko inprenta batean, eta bahitua zuten gizon bat; hura onik atera dute. Porte de Vincenneseko bahitzailearen aurkako erasoaldia hasi du ia une berean Poliziak; hura eta lau bahitu hil dituzte.

Erasotzaileek ihes egiteko erabili duten autoa

Arantxa Elizegi - Jon Olano -

2015eko urtarrilak 9

17:00ak aurretxoan ekin diote poliziek Said eta Cherif Kouachi anaien kontrako erasoari, eta minutu batzuk geroago sartu dira Paris ekialdeko koxer saltokian. Dammartin-en-Goeleko inprentan leherketa eta tiro hotsak entzun dira hainbat minutuz, eta Poliziak jakinarazi du asteazkenean Charlie Hebdo astekariko langileei eraso egin izanaren susmagarriak hil dituztela operazioan. 26 urteko gizon bat zuten bahitua, eta hura libre utzi dute.

Porte de Vincenneseko koxer saltoki batean, berriz, bost lagun bahitu dituzte. Montrougen udaltzain bat hil zuen gizon bera da bahitzailea —hedabide ugariren arabera, Amedy Coulibaly zuen izena—, eta mehatxatu du Kouachi anaiei joaten utzi ezean bahitutakoak hilko zituela. Anaien kontrako erasoalditik minutu gutxira sartu da Polizia saltokian, eta, Poliziak zabaldutako informazioaren arabera, hil egin dute bahitzailea. Informazio batzuen arabera, bahituetako hiru hil dituzte, baina lau direla diote beste hainbat hedabidek. Gizonak Kouachi anaiekin harremana zuela ere zabaldu dute.

Koxer saltokia Rosiers kalean dago. Kale hori ezaguna da juduentzako hainbat saltoki daudelako; 1982an atentatu bat izan zen kale horretan. Zenbait iturrik jakinarazi dutenez, denda dagoen eraikina husteaz gain, kale osoko saltokiak ixteko eskatu die Poliziak dendariei. Inguruetan izua ere zabaldu da, eta Trocadero plaza ezaguna hustu behar izan dute alarma faltsu bategatik.

'Charlie Hebdo'-ren kontrako erasotzaileak, gotortuta

Charlie Hebdo astekaria bortizki jo zuten ustezko erasotzaileen ehiza operazioaren hesia goizean estutu da. Kouachi anaiak atxilotzeko operazioa martxan jarri du Frantziako Gobernuak goizean, eta Dammartin-en-Goel herriko enpresa batean inguratuta izan dituzte. I-Tele katean eginiko adierazpenetan, Yves Albarello UMPko diputatuak azaldu du bi susmagarriek "martiri gisa" hiltzeko nahia adierazi dutela.

BFMTV telebista katearen arabera, 08:40an Kouachi anaiek autoa indarrez kendu diote Montagny-Sainte-Felicite herriko emakume bati, eta hark eman dio abisua Poliziari. Handik minutu gutxira tiroketa izan da Dammartin-en-Goele herrian, Poliziaren eta ustezko erasotzaileen artean.

Ordu nahasiak izan dira bi lagunek Charlie Hebdo aldizkariko langileei eraso zienetik. Biharamunean, polizia bat hil zuten Montrougen, zirkulazio istripu baten ostean pertsona batek hura tirokatu ostean, eta bi meskitari eraso zieten. Manuel Valls Frantziako lehen ministroak baieztatu du astekariari eraso egitearen susmagarriek eta Montrougeko tiroketakoak elkar ezagutzen dutela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 4an eguneratua. ©BERRIA

Koronabirusaren azken datuak

Berria

Azkeneko 24 orduetan zortzi lagun hil dira COVID-19 gaitzaren eraginez. Bederatzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.607 gaixok eman dute positibo guztira, koronabirusa atzemateko probaren bat eginda. Horietatik 2.086 hil dira. Grafikoak, albiste barruan.

Maria Txibite, Manu Aierdi eta Elma Saiz kontseilariekin parlamentutik ateratzen. ©Idoia Zabaleta, Foku

Mugaz bi aldeetako bidaiak errazteko eskatu du Nafarroako Parlamentuak

Berria

Navarra Sumaren abstentzioarekin eta bertze alderdi guztien baiezko botoarekin onartu dituzte neurriak. Bertzeak bertze, 50.000 eurorainoko diru laguntzak onartu dituzte kultura ogibide dutenentzat, eta alokairua ordaintzeko diru laguntzak hamabi hilabetez luzatuko dizkiete autonomoei eta aldi baterako enplegu erregulazioan daudenei. 

Martin Ugalde Foroa: Euskara ere normalitaterantz?

Euskararen lekuaz normaltasun berrian, Martin Ugalde Foroan

Berria

Josu Amezagak, Idurre Eskisabelek eta Amelia Barquinek hartu dute parte Kontseiluak sustatutako mahai inguruan, Andoainen. BERRIAn osorik ikusteko aukera dago.

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna