GREZIA

Greziako Gobernuak ez du Troika mintzaidetzat aitortzen

"Ez dugu asmorik existitzeko arrazoirik ez duen batzorde batekin lan egiteko", esan du Gianis Varufakis Greziako Finantza ministroak.

Dijsselbloem eta Varufakis.
Dijsselbloem eta Varufakis. Simela Pantzartzi / EFE

Berria -

2015eko urtarrilak 30

Jeroen Dijsselbloem Eurotaldeko presidentearekin egin du bilera Varufakisek, eta haren aurrean nabarmendu du Greziako Gobernua "egungo erreskate plana onartzen ez duen programa batengatik" aukeratu zutela herritarrek. Hala ere, azaldu du gobernuaren asmoa da Europako kidekin elkarlanean aritzea dela.

"Saiatuko gara gure kideak konbentzitzen irtenbide bat topatu behar dugula Europako interes komunen alde", esan du Varufakisek.

Dijsselbloemek, berriz, gogorarazi du erreskate plana otsail amaierara arte luzatzekoa dela, eta gaineratu du: "Hori baino lehen, erabakiko dugu zer egingo den. Ez dago ondoriorik oraindik". Greziako zorrari buruzko konferentzia bat egitea proposatu dio Varufakisek; "konferentzia hori jada existitzen da eta Eurotaldea du izena", erantzun dio.

Eurotaldeak Greziari laguntzeko konpromisoa duela adierazi du Dijsselbloemek, "Greziak bere hitza betetzen badu". Azken urteotan "aurrerapen handiak" egin direla argudiatu du, "eta garrantzitsua da horiek ez galtzea".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna