'FALCIANI ZERRENDA'

Falcianiren euskal zerrenda

HSBCk zerga iruzurra egiten lagundu zien bezeroen artean badira euskal herritarrak ere, oraindik izen-abizenik argitaratu ez bada ere.

HSBC bankuaren adar bat. ICIJek argitaratutako informazioak iraganeko zerbait direla esan du bankuak.
HSBC bankuaren adar bat. ICIJek argitaratutako informazioak iraganeko zerbait direla esan du bankuak. Anita Maric / EFE

Berria -

2015eko otsailak 11

Igandean hasi zen ICIJ Nazioarteko Ikerketa Kazetaritzaren Kontsortzioa Suitzako bankuaren sekretupeko informazioa argitaratzen, Herve Falciani bankuko langile ohiak lapurtutako artxiboetan oinarrituta. Apurka-apurka ari dira HSBCren bidez ustez zerga iruzurra egin zutenen izen-abizenak argitaratzen, eta aktore, musikari, futbolari, enpresari eta pertsona ospetsu ugariren nortasunak filtratu dituzte oraingoz.

Euskal herritarren izen-abizenik ez dute oraingoz jakinarazi, baina hedabide ugarik argitaratu dutenez, gutxienez 150 euskal herritar leudeke Falcianiren zerrendan; 80 bat Gipuzkoakoak, 62 Bizkaikoak eta 11 Arabakoak. Zerrendan nafarrik baden ez da oraindik ezagutarazi.

Noticias taldeko egunkarien eta Ser irrati katearen arabera, Araba, Bizkai eta Gipuzkoako ogasunek 2010ean jaso zuten HSBC bankuan dirua ezkutatuta zuten euskal herritarren zerrenda, eta gehien-gehienek ogasunari zor zioten dirua itzuli zuten garai hartan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna