IKURRAK

Espainiako bandera jartzearen "umiliazioa" salatu du Mungiako alkateak kargua uztean

Izaskun Uriagerekak "inposiziotzat" jo du Espainiako bandera udaletxean jartzeko agindua.

Izaskun Uriagereka, Mungiako udalbatzarrean.
Izaskun Uriagereka, Mungiako udalbatzarrean. Luis Jauregialtzo / Argazki Press

Berria -

2015eko otsailak 13

Ezohiko udalbatza egin dute Mugiako Udalean, eta bertan utzi dute ofizialki kargua Izaskun Uriagereka alkateak eta Miren Begoña Bilbao Kultura zinegotziak. Negar-zotinka, Uriagerekak ikurrina defendatzera deitu ditu abertzaleak, eta Carlos Urkijo egin du dimisioaren erantzule. Hari esan dio Euskal Herria "errespetatzen eta ulertzen saia" dadila.

"[Urkijok] legea betetzeaz eta betearazteaz hitz egiten du, nahiz eta ustez ordezkatzen duen herriari bost axola dion lege horrek", nabarmendu du. Espainiako bandera jartzeko derrigortasunak "umiliazioa" baino ez duela helburu uste du Uriagerekak.

Dimisioa eman du asteon bertako alkate Izaskun Uriagerekak. Carlos Urkijo Espainiako Gobernuak Euskal Autonomia Erkidegoan duen ordezkariak hala eskatuta, Espainiako bandera jartzeko agindu zion iazko irailean EAEko Auzitegi Nagusiak Mungiako Udalari, eta Espainiako Auzitegi Konstituzionalera jo zuen udalak erabaki horren kontra. Konstituzionalak baztertu egin zuen Mungiako Udalak Espainiako Bandera jartzearen kontra aurkeztutako helegitea, eta bandera ez jartzeko, kargua utzi du alkateak.

Uriagerekaren jarrera "eredugarria" dela esan du Unai Ziarreta EH Bilduko zinegotziak, eta babesa adierazi dio; hala ere, uste du EAJk ez duela Uriagereka nahikoa babestu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna