Oroimena

Justizia eske Europara joko du Martxoak 3 elkarteak

Espainiako Gobernuak Gasteizko “estatu krimena” justifikatzeko 1976ko argudio berak erabiltzen dituela salatu dute.

Martxoak 3 elkartearen agerraldia. ARGAZKI PRESS
2015eko otsailaren 26a
21:38
Entzun

“Zigorgabetasunaren aroa bukatu da. Nazioarteak ate asko irekitzen ditu, eta gure hurrengo geltokia Brusela da”, azaldu de Andoni Txasko Martxoak 3 elkarteko bozeramaileak. Heldu den asteartean 39 urte beteko dira Espainiako poliziak bost langile hil zituela Gasteizen. Urtemugarekin batera, Martxoak 3 elkarteak Europako Parlamentuan agertzeko eskaria erregistratuko du. “Espainiako estatuak Europako Giza Eskubideen araudiak hausten duela salatzeko”. 

Gasteizen hildako bost langileen familiek eta Txasko berak Espainiako Barne Ministerioari iazko azaroan eskatu zioten euren kasua Terrorismoaren biktimen ezagutza osorako legean sartzeko. Abendu eta urtarril artean jaso zituzten Barne ministerioaren erantzunak. Euren arabera, martxoaren 3ko biktimak ezin dira lege horren barruan sartu hildakoak legez kanpoko elkarretaratze batean parte hartu eta poliziarekin izandako aurrez-aurreko baten ondorioz hil zirelako. Gainera, Barne ministerioak gaineratu du poliziaren helburua ordena publikoa ezartzea zela. Txaskoren ustez, horrelako argudioak ez dira onargarriak, eta Espainiako Gobernuak 1976ko argudio berak erabiltzen dituela salatu du. “Hitz ederren gainetik, hori da PPren benetako aurpegia”.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.