Albistea entzun

Gizartea

Gazteen itxaropena

Gazteen Aurreikuspenei Buruzko Adierazleak ikerketa aurkeztu du Gazteen Euskal Behatokiak, bigarrenez. Ikerketak azaleratu duenez, Araba, Bizkai eta Gipuzkoako gazteek uste dute beren egoerak hobera egingo duela.

Gazteak, kontzertu batean, azken Nafarroa Oinezen, Zangotzan./
Gazteak, kontzertu batean, azken Nafarroa Oinezen, Zangotzan./ Jagoba Manterola/Argazki Press

Aitziber Laskibar Lizarribar -

2015eko martxoak 9 13:30

Beren egoerari buruz eta aurrera begira dituzten itxaropenei buruz 1.512 gazteri egindako inkesta du oinarri Eusko Jaurlaritzaren ikerketak.

Egungo egoerari buruz egiten duten balorazioa ehunetik 62 puntukoa da, eta norberaren poztasun indizea, 78koa. Ona da balorazioa, urtebete lehenagokoaren antzekoa. Osasunarekin eta familiarekin agertu dute poztasunik handiena, eta txikiena lanarekin eta diruarekin.

Lana badutenen artean asko dira hori galdu edo baldintzak okertuko zaizkien beldur direnak: %47. Hala ere, urtebetean nabarmen txikitu da portzentajea, 2013an %57k ikusten baitzuten arrisku hori.

Lana aurkituko dutela espero dutenen kopuruak, berriz, sei puntu egin du gora, eta egun %60 dira hori uste dutenak.

Ikerketaren alderik okerrenak emigratzeko beharrari buruzkoa eta emantzipazioari buruzkoa dira. Beren nahiaren kontra lan bila emigratu beharko dutela uste dute %14k. Lanera kanpora joan beharko dutela iruditzen zaienen kopuruak gora egin du, baina hori duela urtebete baino barneratuago dutela dirudi.

Emantzipazioari dagokionez, inkesta egin duten gazteen %48k uste dute urtebeteko epean gurasoen etxetik joateko duten nahia "zapuztu" egingo zaiela. Gora egin du uste horrek.

Hala ere, baikor begiratzen diote etorkizunari. Gazteen gaitasunekiko konfiantza indizea %69koa da, eta etorkizunarekiko konfiantza indizea, %74koa. Azken alor hori hamar puntu igo da.
 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.