UDAL ETA FORU HAUTESKUNDEAK

Donostiako Udalerako "politika feministak" aldarrikatu ditu Plaz-ek

Josebe Iturriozek salatu du udalak aurrekontuaren %0,1 inbertitzen duela berdintasunean.

Plaz! alderdiaren aurkezpena, Donostiako Alderdi Ederren.
Plaz! alderdiaren aurkezpena, Donostiako Alderdi Ederren. Andoni Canellada / Argazki Press

Berria

2015eko apirilak 14

Udal eta foru hauteskundeetarako zerrenda aurkeztu du Plaz alderdiak Donostian. Josebe Iturrioz da zerrendaburua, eta "politika feministak" aldarrikatu ditu administrazioa "parte hartzaileagoa eta gardenagoa" izan dadin.

Donostiako Udalak "aurrekontuaren %0,1 inbertitzen du berdintasunean", Iturriozek esan duenez. Haren ustez, horrek esan nahi du ez duela "nahikoa tresna" ezartzen "eredu androzentriko ustez neutralari" aurre egiteko.

Aurrekontuak "genero ikuspegiarekin" egitearen alde jardun du, eta azaldu Plaz-en "lehentasuna pertsonen bizitza politikaren erdigunean kokatzea" dela.

Alderdiaren helburua "gizarte justuago bat" eraikitzea dela nabarmendu du Iturriozek, "hierarkia gutxiagokoa, eta hori ondasun komuna da, ez soilik emakumeen kontua".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna