Haustura hidraulikoa

'Nire botoa: frackingik ez' kanpaina abiarazi dute

Haustura hidraulikoaren aurkako taldeek maiatzeko udal eta foru hauteskundeetan hautagai izango direnen "konpromiso politikoa" bildu nahi dute.

Fracking Ez taldeko kideak, kanpainaren aurkezpenean.
Fracking Ez taldeko kideak, kanpainaren aurkezpenean. Juanan Ruiz / Argazki Press

Berria

2015eko apirilak 15

Udal eta foru hauteskundeen harira, hiru asteko kanpaina jarri dute martxan fracking-aren aurkako taldeek. Haustura hidraulikoaren aurkako borrokan indarrak batzen segitu nahi dute. Bide horretan, Arabako, Bizkaiko eta Gipuzkoako herrietan eta foru aldundietan hautagai izango direnei begira egin dute kanpaina hau. Agiri bat prestatu dute hautagaiek hura sinatuta fracking-aren aurkako konpromisoa erakuts dezaten.

Hainbat arrazoirengatik abiarazi du kanpaina Fracking Ez plataformak. Batetik, uste du hurrengo agintaldia "erabakigarria" izango dela haustura hidraulikoaren gaian. Hori dela eta, "garrantzitsutzat" jo du botoa eman behar duten herritarrek jakitea alderdi bakoitzaren jarrera zein den. Bestalde, gogorarazi du herri ekinaldi legegilea martxan dagoela, baina ebatzi gabe oraindik. Hori horrela, kanpainaren bultzatzaileek uste dute udalerriek eta aldundiek Eusko Jaurlaritzari presioa egiten jarraitu behar dutela, behin betiko debekua ezar dezan.

Maiatzaren 6an bukatutzat emango dute kanpaina, eta, datu guztiak batu ondoren, emaitzak aztertzeko prentsaurreko informatibo bat egingo dute maiatzaren 12an. Horrez gain, udalerri bakoitzean lortutako emaitzen berri herriz herri emango dute, bertako alkategaiek fracking-aren inguruan zer pentsatzen duten jakinda hautesleek bere botoa eman dezaten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna