Albistea entzun

Txirrindularitza

Alejandro Valverdek hirugarren aldiz irabazi du Lieja-Bastogne-Lieja klasikoa

Movistarrekoaren atzetik gelditu dira Julien Alaphilippe (Etixx) eta Joaquim Rodriguez (Katuxa).

Valverdek esprintean gainditu ditu Alaphilippe eta Rodriguez.
Valverdek esprintean gainditu ditu Alaphilippe eta Rodriguez. Julien Warnand / EFE

Arnaitz Lasarte -

2015eko apirilak 26

Alejandro Valverdek (Movistar) dotore biribildu du astea, Lieja-Bastogne-Lieja irabazita. Aurreko igandean bigarren sailkatu zen Amstel Gold Race-n, asteazkenean irabazi egin zuen Fleche-Wallone lasterketa, eta gaur berriz ere, bi besoak altxa ditu espainiarrak. Lieja-Bastogne-Lieja irabazten duen hirugarren aldia da. 2006an eta 2008an ere irabazi zuen.

Gogotik sufrituta, baina erakustaldia emanda gailendu da Valverde. Helmugarako 500 metroren faltan bazirudien garaipena Dani Morenorentzat (Katuxakoak) izango zela. Tarte polita zuen Morenok, baina ez du etsi murtziarrak. Ia 500 metro luzeko esprinta egin duela esan daiteke. Berak egin du lan Katuxakoa harrapatzeko, eta  azken esprintean ere bera izan da nagusi. Julien Alaphillipe (Etixx) eta Joaquim Rodriguezen (Katuxa) izan dira bigarren eta hirugarren.

Azken 20 kilometroak ikusgarriak izan dira. Erasoa, erasoaren atzetik. Roman Kreuziger (Tinkoff), Romain Bardet (AG2R), Jakob Fuglsang (Astana)... Txirrindulari asko mugitu dira tropelean. Azkenean irabazle, ordea, faborito nagusia: Valverde.

Lieja-Bastogne-Lieja klasikoak ohiko bilakera izan du lehen kilometroetan. Matteo Montaguti (AG2R), Diego Ulissi (Lampre), Otto Vergaerd (Topsport), Clément Chevrier (IAM), Marco Minnaard (Wanty), Anthony Turgis (Cofidis), Cesare Benedetti (Bora-Argon) eta Rasmus Quaade-k(Cult) osatu dute eguneko ihesaldia, baina tropelak gehienez ere zazpi minutuko tartea utzi die iheslariei. Movistar, Katuxa, Europcar, Etixx... Tropelean talde asko zeuden lanerako prest. Hala, helmugarako 75 kilometro falta zirela harrapatu dituzte iheslariak. 

Astanak gogortu du lasterketa orduan. Andry Grivkok jo du erasoa lehenik, eta talde bereko Michele Scarponi eta Tanel Kangertek egin dute aurrera geroago, Estaban Chaves (Orica) gurpilean zutela. Hirukote horrek 50 kilometro egin dituzte buruan. Minutu inguruko tartea ere izan du uneren batean, baina faboritoak ez zeuden barkatzeko. Erritmo bizi-bizian egin dituzte azken 80 kilometroak.

Abiadura horrek, eta azken kilometroetako tentsioak eraginda, akaso, erorketa handi bat ere izan da tropelean 42 kilometroren faltan. Faborito nagusietako batzuk aukerarik gabe gelditu dira garaipena lehiatzeko. Tartean, Simon Gerrans (Orica) eta Dan Martin (Garmin), azken bi urteetako irabazleak. Lurrera erori dira beste zenbait txirrindulari ere: Nairo Quintana (Movistar) Tejay Van Garderen (BMC), Nicolas Roche (Sky).

Ardenetako klasikoak jokatuta, hurrengo hitzordu nagusia Suitzan dute txirrindulariek. Datorren astean jokatuko da Romandiako Itzulia. Italiako Girora puntu-puntuan iritsi nahi dutenek azterketa garrantzitsua dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jon Pacheco, Aritz Elustondo zoriontzen, hark Realaren bigarren gola sartu ondoren. ©DUMITRU DORU / EFE

Xeriff ere, girgilurik jarri ezinda

Jon Ander De la Hoz

Realak irabazi egin ditu Europa ligan jokatutako partida guztiak; azkena, Moldavian. Eskura du sailkatzea. Silvak eta Aritzek sartu dituzte golak
Moi Gomez, baloiarekin, Rayoren aurkako partidan. Aimar Oroz ageri da hari begira. ©JAGOBA MANTEROLA / FOKU

Aldaera berri bat gehitu du

Iñaki Berastegi

Jagoba Arrasate joko landuaren alde egiten ari da. Moi Gomez eta Aimar funtsezkoak izan dira estilo berria txertatzeko. Osasunak Valentzia hartuko du gaur gauean Sadarren.
 ©BERRIA

Pizgarri eta aukera

Julen Etxeberria

Danel Elezkano eta Iñaki Artola elkarren aurka ariko dira gaur Villabona-Amasan, lau eta erdikoaren final-zortzirenetan. Biek esan dute «nahi baino partida gutxiago» jokatu dituztela udan, baina «esperientziak» lagundu diela egoerara egokitzen.
Aritz Elustondo eta Jon Pacheco, beasaindarraren gola ospatzen. ©DUMITRU DORU / EFE.

Xeriff ere, girgilurik jarri ezinda

Jon Ander De la Hoz

Realak irabazi egin ditu Europa ligan jokatutako partida guztiak, Moldavian gailenduta. Eskura du multzoen fasea gainditzea, Silvak eta Aritzek egindako golei esker.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...