Bihar erabakiko dute Ibon Fernandez Iradik preso segituko duen. Esklerosi anizkoitza du. Lehen bi osasun azterketek ziotenez, ez da bateragarria presondegiarekin. Hirugarren azterketak, baietz. Prokuradoreak azken horren alde egin du. Iradiren abokatuak kontraesanez betea dela esan du, eta aitzinekoak jarraitzea eskatu. Lannemezango espetxean dago preso, Frantzian.
Epaileak haren askatzearen alde egin zuen 2014ko ekainean, baina bi baldintza ezarrita: Frantzian bizitzeko duen debekua baliogabetzea eta Pirinio Atlantikoetatik kanpo bizitzea.