Albistea entzun

Komunikazioa

Josean Bengoetxea eta Nagore Aranburu izango dira 'Aitaren Etxea' telesaileko aktoreetako batzuk

Joan den astean hil zen Aitor Mazo aktoreak pertsonaietako bat jokatu behar zuen. Datorren astelehenean hasiko dituzte grabaketak. ETBk iragarri du irailean estreinatuko duela telesaila.

Nagore Aranburu aktorea. /
Nagore Aranburu aktorea. / Jon Urbe/Argazki Press

Urtzi Urkizu -

2015eko maiatzak 11

Pausoka ekoizpen etxeak eta ETBk euskal aktore ezagunak bildu dituzte Aitaren Etxea telesail berrirako. Josean Bengoetxea eta Nagore Aranburu izango dira protagonistetako batzuk, baita Loreto Mauleon, Felix Arkarazo, Kandido Uranga, Anartz Zuazua, Iñaki Beraetxe eta Ander Azurmendi ere.

Datozen zortzi asteetan ordu bateko hamabost atal grabatuko dituzte. Grabazio guztiak dekoratu naturaletan egingo dituzte. Besteak beste, Gipuzkoako Zestoa, Legazpi eta Hondarribia herrietan grabatuko dute.

1950eko hamarkadan girotuko dituzte tramak. Familia bat hotel eder baten jabe da, baina 1936ko gerraren ostean zailtasun handiak izango ditu. Bestetik, familia horretako seme gaztea herriko alkatearen alabarekin maiteminduko da. Bi familien arteko iragan korapilotsuak maitasun harremana zailduko du. Bestalde, diktaduraren aurkako langileen mugimenduak izango dira tartean.

Telesailaren zuzendaria Jabi Elortegi da. Goenkale, Balbemendi eta Go!azen telesailen eta Zorion perfektua filmaren zuzendaria izan da Elortegi. Argazki zuzendaria Gaizka Bourgeaud da (Arriya, Bertsolari). Gidoilariak Xabier Zabaleta, Pedro Fuentes, Maite Duque eta Itziar Minguez dira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...