Kirola

Pilotekin kontent gelditu da Bengoetxea VI.a; Urrutikoetxea, berriz, ez hainbertze

Buruz buruko txapelketako finalerdia jokatuko dute pilotariok larunbatean, Iruñeko Labriten.

Bengoetxea eta Urrutikoetxea, piloten aukeraketan. JAGOBA MANTEROLA, ARGAZKI PRESS
edurne elizondo
2015eko maiatzaren 27a
13:35
Entzun

Hautatutako pilotak "politak" direla nabarmendu du Oinatz Bengoetxeak. Bere gustukoak. Mikel Urrutikoetxeak aukeratu dituenei buruz, ordea, badu kexarik pilotari leitzarrak. Bat ontzat jo du. Bertzea, berriz, biziegia dela nabarmendu du. "Ez dut esanen gehiegizkoa dela, baina ez dut uste Labriterako egokia denik", azaldu du. Bengoetxea VI.ak gustuko ez duen pilota hori da, hain zuzen, saskian aurkitu dituen guztien artean Urrutikoetxeak ontzat jo duen bakarra. Ez da gustura gelditu materialarekin. "Pilota bakarra zen ona", erran du. Bertzeak motelegiak zirela erantsi du pilotariak.

Larunbateko finalerdian dena emateko prest agertu dira bi pilotariak. Bengoetxea VI.a ez da Urrutikoetxearekin batere fiatzen. "Asko jotzen du pilota; ni atzean gelditzea izanen du helburu". Ongi dagoela nabarmendu du pilotariak. Izan duela atseden hartzeko eta entrenatzeko aukera, eta ehuneko ehunean dela. Urrutikoetxeak ere sasoiko ikusten du aurkaria. "Badakit partida zaila izango dela, baina aukera polita dut finalerako sailkatzeko, eta horretan ahaleginduko naiz", erran du.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.