Noiz sortua: 2015-06-21 07:31:00

Baiona

Musikaz jantzi dute Errobi ertza

Belaskainen egin dute ekitaldia. Hezkuntzan edo laborantzan egin bezala, "nehoren baimenik goaitatu gabe" erabakitzera deitu dute.

Maddi Ane Txoperena Iribarren -

2015eko ekainak 21

"Ez dira aski aldarrikapenak, gure baitan sinetsi behar dugu", adierazi dute Iban Thikoipe eta Ihintza Ostolaza Gure Esku Dago-ko kideek Baionako Christian Belaskain kirol zelaian eginiko ekitaldi nagusian. Oihal katearekin Errobi gaineko hiru zubiak bete ondotik bildu dira bertan Zuberoa, Lapurdi eta Baxenabarreko mila herritar inguru. Oihalekin hautetsontzi erraldoi bat irudikatu dute han, kantu eta bertso artean. Harresietatik bi pertsonak beren burua zintzilikatu dute gero, eta banderola bat hedatu dute "Eskubidea dugulako, erabakitzera goaz" lelopean.

"Nola erabakiko dute zer garen, ez badigute galdetzen zer izan nahi dugun?" galdera bota du bozgorailuetatik Thikoipek. Haren hitzetan, herritarrek erabaki behar dute "zein herri eta lurraldetan bizi" nahi duten, baita inguruko herrialdeekin zein harreman izan nahi duten ere. Jean Rene Etxegarai Baionako auzapezak ere parte hartu du Baionako ekitaldian, eta Ipar Euskal Herriko lurralde egituraketa izan du hizpide —hautetsien kontseiluko lehendakaria bera da gaur egun—.

Erabakitzeko eskubidearen aldeko Baionako festa 10:30ean hasi da, herriko etxearen aitzinean. Hasieran motel hasi arren, pixkanaka hasi da jendea hurbiltzen udaletxe aitzineko plazara, eta herri kirolak, oihal tindaketak eta dantzak egin dituzte, bertzeak bertze. Kamiseta laranjak ere saldu dituzte bertan, eta 11:00ak aldera abiatu dira Belaskain zelaira, Errobi ertzetik.

Musikarekin bat

Baionan musikaren eguna da gaur, egun garrantzitsua herriarentzat, eta horregatik egin dituzte goizean Gure Esku Dago-ko ekitaldiak. Belaskain errugbi zelaikoa bukatutakoan, hain zuzen, parte hartzaileei eskerrak eman eta bestarekin segitzeko proposamena luzatu dute antolatzaileek. Patxa plazan, erraterako, pintxoak eta kontzertuak eskaintzen ari dira orain Baionako Gazte Asanbladako kideen laguntzarekin. Herriko bertze plaza ugaritan ere musika eskaintza zabala prestatu dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak zahar etxeetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsiodunek Bilboko udaletxearen aitzinean, eta argi utzi dute ez dutela murrizketarik onartuko osasun publikoan eta pentsioetan. Pentsiodunek zahar etxeen inguruko informazioa eskatu diete Eusko Jaurlaritzari eta Bizkaiko Aldundiari, baina ez dute erantzunik jaso. 

Gasteizko Txagorritxu ospitaleko Mikrobiologiako langileak, proba serologikoak aztertzen. ©Gorka Rubio / Foku

Hegoaldean ez da gaixorik hil azken 24 orduetan

Andoni Imaz

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Zahar etxeetan gertatutakoa argitzeko eskatu dute pentsiodunek gaurko mobilizazioetan. ©Aritz Loiola / FOKU

Leiho berriak mugikortasunari (eguneko laburpena)

Pello Urzelai

Euskal Herrian ez da izan hildakorik azken orduetan. PCR proba bidezko positibo berriak gutxi izan dira: bost, denak Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna