Noiz sortua: 2015-06-21 07:36:48

BILBO

Jendez bete ez, baina gogoz ase bai

Herri galdeketak iragarri dituzte Ispasterren eta Diman 2016rako. Milaka lagun elkartu dira Bilboko estadioan erabakitzeko eskubidearen alde.

Gotzon Hermosilla -

2015eko ekainak 21

Dinamikak orain arte eginiko bideari erreparatuz ekin diote ekitaldiari, eta une historiko bat ere izan dute gogoan; Arrate Orueta eta Eba Ferreira Athleticeko jokalari ohiekin batera zelairatu dira Inaxio Kortabarria Realeko jokalaria eta Jose Angel Iribar Athleticeko atezain ohia; hain zuzen, ikurrina artean debekatua zenean zelairatu zutenak. Laurek eraman dute berdegunera hautetsontzi bat.

Hainbat musika taldek girotu dute ekitaldia; tartean, Zea Maysek. Gaita galiziarrak eta kitarra flamenkoak ere jo dituzte. Unai Iturriaga eta Igor Elortza aritu dira bertsotan, eta Kirmen Uribe idazleak ere hartu du hitza, Rafa Ruedaren kitarrak lagunduta: "Historia luzea dugu eta ez gara adin txikikoak. Beraz nor gara gure etorkizuna erabakitzeko".

Egun osoko egitaraua antolatu du Gure Esku Dago mugimenduak, baina ekitaldi nagusia arratsaldekoa izan da. Ordura arte, hainbat herritar bildu dira Bilboko Zazpi Kaleetan eta Areatzan festa giroan. Kamiseta laranjak non nahi ikusi ahal izan dira.

Horren aurretik eguerdian Areatzako eta Euskaldunako zubiaren artean eginiko oihal kateak ere herritar asko batu du. Gu euskaldunak gara abestia kantatuz eta olatuak eginez, umore onarekin egin dute elkarretaratzea.

Herriz herri jositako oihalak erabili dituzte, eta horiekin muntatuko da ere arratsaldeko hautestontzi erraldoia. Aste asko daramatzate herrietako batzordeek jaialdia antolatzen, eta prest dituzte tamaina eta kolore guztietako oihalak. Lan horri esker, gainera, aurrez jarritako helburuetako bat bete da: herritarren parte-hartzea bultzatzea.

Helburu horren bidean, behar handia egin dute herrietako batzordeek aurtengo ekitaldi berria herriz herri aurkeztu eta herritarrei dinamikaren nondik norakoak azaltzeko. Bizkaian, guztira 67 batzorde daude. Iazko ekainaren 8an Durango eta Iruñea lotu zituen giza kate jendetsuaren arrakastari esker jende gehiagorengana iristea lortu dutela dio Iker Jalon Erandioko Gure Esku Dago batzordeko arduradunak. «Herritarrek gustura parte hartzen dute gure Esku Dago-ren gisako ekinbideetan. Iazko giza kateak jende asko hunkitu zuen». 

EGITARAUA

12:00. Oihal Katea. Euskalduna zubia eta Areatza artean. 11:30erako nork bere tokian egon beharko du. 12:30ean amaituko da.

16:30. San Mames Barriko ateen irekiera. Ordu horretan irekiko dituzte ateak.

17:30. Ekitaldi nagusia. San Mames estadioan egingo da.

BESTE GUNEAK

Areatza. Txahal errea, saiheskiak, ogitartekoak, edariak... • 13:00. Bertso saioa: Fredi Paya, Arkaitz Estiballes, Onintza Enbeita, Etxahun Lekue. Gai-jartzaile: Maite Berriozabal. • 14:30. Kherauren kontzertua.

Ripa. Jolastokia egongo da. Kale animazioa, puzgarriak, umeeentzako tailerrak...

Jai gunea. • 13:00. Trikizioren erromeria • 20:30. Oxabi erromeria eta lagunak: Xabihoo (Enkore), Ibon (Itziarren semeak), Francis (Doctor Deseo), Aiora Renteria (Zea Mays), Iñigito (Txapelpunk), Kepa Junkera, Revolta Permanent, Maria (Siroka), Naroa (Izerdi Gorria), Roberto (Zarama), Miren Amuriza eta Oihane Bartra, Yogurinha Borova, Tor eta Txorroba magoak, Mikel Martinez eta Patxo Telleria...

Zazpikaleak eta Bilbo Zaharra. Kale animazioa.

Albiste gehiago

Apirilaren 3an eguneratua, 14:00etan. ©BERRIA

Koronabirusaren azken datuak

Berria

Euskal Herrian 10.686 gaixok eman dute positibo koronabirusaren proba eginda. 597 hil dira. COVID-19 gaitza izandako 2.736 pertsonari eman diete alta. Grafikoak, albiste barruan.

Nafarroako Unibertsitate Publikoko liburutegia, iaz. ©Iñigo Uriz / Foku

NUPek ez du eskola presentzialik egingo ikasturte honetan

Berria

Baxoa kontrol jarraikiaren bidez egingo dela esan du Jean Michel Blanquer Frantziako Hezkuntza ministroak. Hala ere, frantseseko ahozko azterketa mantentzea erabaki dute —lizeoko bigarren urteko ikasleek pasatu beharko dute—. Jaurlaritzak ez du baztertzen unibertsitatetan aurrez aurreko klaseei ekitea berriro, nahiz eta Espainiako Unibertsitate ministroak nahiago duen ikasleak ez itzultzea ikasgeletera. Eusko Jaurlaritzak «autonomia» defendatu du.

Herri Urrats, iaz. ©GuiIlaume Fauveau

Bertan behera utzi dituzte Herri Urrats, Ibilaldia eta Araba Euskaraz

Oihana Teyseyre Koskarat

Udaberrian egitekoak ziren ikastolen aldeko jaiak, baina beste garai batean egitea aztertzen ari dira.

Apirilaren 3an eguneratua, 14:00etan. ©BERRIA

Koronabirusaren azken datuak

Berria

Euskal Herrian 10.686 gaixok eman dute positibo koronabirusaren proba eginda. 597 hil dira. COVID-19 gaitza izandako 2.736 pertsonari eman diete alta. Grafikoak, albiste barruan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna