Albistea entzun

DONOSTIA

Itsaso bat, milaka eskurekin

Oihal zatiek berdegunea hartu dute Donostiako estadioan, eta mosaiko ikusgarria osatu dute. Ia hiru orduko ekitaldia egin dute Gipuzkoako hiriburuan.

Amagoia Mujika -

2015eko ekainak 21 07:33

Jendetza batu da Donostiako Anoeta estadioan, Gure Esku Dago dinamikak erabakitzeko eskubidearen alde antolatutako ekitaldian. Festa giroa izan da nagusi; danbor hotsak, parte hartzaileak olatuarena egiten... diasporatik ere heldu da mezua estadiora, arrano baten bidez. Mosaiko ikusgarria osatu dute harmailetan, Gure esku dago etorkizuna leloarekin.

Hautetsontzia eraiki ez, baina zelaian zabaldu dituzte hura osatzeko oihalak. Zelai osoa estali dute, eta bertan sartu dute aurreneko botoa. Ane Etxegoien kantariak Txoria txori abestuz jarri dio doinua uneari.

Donostian 60.000 lagun espero zituzten gaurko, eta goiz goizetik mugimendu handia nabaritu da. Batez ere, Urumeako sei zubien artean, han baitzen goiz parteko ekitaldi nagusia. Kursaal zubitik Realaren zubiraino oihal katea egin dute. Festa giroa izan da nagusi bertan: jendea olatuarena egiten, txarangak, Castellers-ak... Gipuzkoa osotik ez ezik urrutiagoko jendea ere joan da Donostiara. Kataluniar ugari ikus zitezkeen, esate baterako. Iaz egin zuten giza katea gogoratzeko festa izan da sei zubitan egindakoa. Bertan bildutako lagun guztien artean eutsi dute 5.000 metroko oihal katea.

Oihalak gora Urumean #biharErabakia #BaietzBostakBete @GureEskuDago @berria pic.twitter.com/6WN5WHk9HB

Guztira 2,5 metroko 2.000 oihalekin osatu dute katea Donostian. Azken hilabete hauetan hainbat herritarrek ehundu dituzte, eta igandean elkartuko dituzte. Oihal zatietan norbanakoek idatzitako aldarrikapenak jaso dituzte, eta Donostian 40.000 lagun saretuen nahia ordezkatzen du.

Oihalak bobinatan zabaldu dituzte, eta Gure Esku Dagoko antolakuntzako 800 bat lagun ari dira laguntzaile gisa. Durangotik Iruñera egindako giza katean bezala, musikaz girotu dute oihal katea: dultzaineroak, batukadak, trikitilariak, elektrotxaranga… Eta giza kate hartan bezala, oihal katea ere herrika banatu dute.

Orain, Anoeta inguruan bazkaltzen ari da jendea. Barruan, berriz, arratsalderako ekitaldia prestatzen ari dira buru-belarri. Ehunka boluntario ari dira lanean egun osoan.

EGITARAUA

12:00. Oihal Katea. Urumeako sei zubien artean. 11:30erako parte hartzaileek beren tokian egon beharko dute. 12:30ean bukatuko da.

16:30. Anoeta estadioko ateen irekiera. Ordu horretan irekiko dituzte ateak.

17:30. Ekitaldi nagusia. Anoeta estadioan egingo da.

BESTE GUNEAK

Alde zaharra. • 12:30. Herri dantzak Bulebarrean • 12:30. Kalez kale Kantu Jira, Kaskarinak eta Donostiako txistulariak.

Anoeta ingurua. • 11:00. Gunearen irekiera. Jatekoa eta edatekoa: sagardo dastatza, txekor errea, taloak, kaxolatxoak, edariak... • 20:00. Ospakizun erromeria.

Miniestadio ingurua. Ogitartekoak, taloak, edariak... • 11:30-00:00. Kontzertu maratoia. Lain, Rat-Zinger, Joseina Etxeberria, Edurne Garmendia, Kike Anomarriz, Anjel Alkain-Iker Galartza, Eratu, Arkada Social, Tajon Prieto y los Kuajalotes, Ze esatek, Shakeitan, Stepi Slektah Reggae Dancehall, Eñaut Elorrieta...

Ilunbe (familia gunea). Puzgarriak, tailerrak, abentura parkea, tirolina, apar festa... • 11:00. Gunearen irekiera. • 12:30. Ilunbe izarrez argitu ikuskizuna: Gipuzkoako pailazoak, suhiltzaileak, Gu ta gutarrak, Irrien lagunak... • 14:00. Irri bazkaria. Paella... Etxetik ekarritakoa jateko lekua ere egongo da. • 15:30. Dantzaldia. Txantxariak eta Irrien Lagunen eskutik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ane Alava Ernaiko bozeramailea, aurrean ehunka kide dituela, gaur, Olatzagutiak kiroldegian (Nafaroa). ©Endika Portillo / FOKU

Ernaik «gazte estrategia» berritu du, 'Ehotzen' txostena onartuta

Julen Aperribai

Gazte antolakundeko kideen %93,5ek babestu dute txostena. «Gazte frontearen artikulazioa», hezkuntza eta naziogintza izango dituzte datozen urteetan lehentasun, besteak beste. Hirugarren urrats feminista egingo dutela ere aurreratu dute. 500 kide baino gehiago elkartu dira Olatzagutian (Nafarroan).

Basauriko espetxea. / ©Aritz Loiola, Foku

Gorka Martinez Ahedok eta Iñaki Bilbao Gaubekak Basauriko kartzelara itzuli behar izan dute

Berria

Espainiako Auzitegi Nazionaleko fiskaltzak beste hiru euskal presoren gradu aldaketa errekurritu du.

Manifestaziora deitzeko egindako agerraldia, apirilean. ©IDOIA ZABALETA / FOKU

Torturaren biktimen aitortza eskatuko dute Iruñean

Iosu Alberdi

Manifestazioa 18:00etan abiatuko da, autobus geltokitik. Kultur arloko 200 norbanakok baino gehiagok babestu dute protesta

Euskal herritarrek 154 gailur piztuko dituzte Pirinioetako Bidean

Euskal herritarrek 154 gailur piztuko dituzte Pirinioetako Bidean

Jon O. Urain

Astebete falta da erabakitzeko eskubidearen aldeko mobilizaziorako, eta hasieran iragarritakoak baino berrogei gehiago izango dira euskal herritarrek argiztatutako gailurrak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...