Ez da batere ohikoa izan aurtengo sanferminetako bosgarren entzierroa. Sei zezenetik bost bakarrik iritsi dira zezen plazara, 2 minutu eta 40 segundo inguru iraun duen entzierro korapilatsuan. Zezenetako bat, irten eta berehala, itzuli egin baita San Domingoko ukuiluetara, eta, beraz, bost zezenek soilik egin dute ibilaldi osoa.
Zezenek sakabanaturik egin dute korrikaldia, eta arrisku handiko uneak eragin dituzte; bazterretara begira joan dira, eta behin baino gehiagotan egin dute korrikalariei ekiteko keinua. Korrikalari asko erori da entzierroan. Korrikalari askok hartu dute parte gaurko entzierroan.
Lau lagun adarkatu egin dituzte; hiruri hankan sartu die adarra, eta bati ipurmasailan. Adarkatu duten lagunetako baten zauriak larriak dira. Orotara, bederatzi lagun artatu dituzte ospitalean. Eta Gurutze Gorrikoek 70 lagunetik gora artatu dituzte.
Jose Escolar ganadutegiko zezenek hartu dute parte bosgarren entzierroan. Aurten etorri dira lehendabizikoz.
