EUSKAL PRESOAK

Baldintzapean aske utzi dute Alvarez Santacristina presoa

Langraiz bidea deritzonaren barnean dago, eta hirugarren graduan zegoen.

Jose Luis Alvarez Santacristina Txelis presoa./
Jose Luis Alvarez Santacristina Txelis presoa./ EFE

Berria -

2015eko abuztuak 7

Jose Luis Castro espetxe zaintzako epaileak argitaratutako autoan adierazi duenez, Jose Luis Alvarez Santacristina Txelis presoak zigorraren hiru laurdenak bete ditu, hirugarren graduan dago, "jarrera ona du" eta "gizarteratzeko pronostiko egokia" dauka.

Baldintzapean aske uztea lortuta, ez du espetxera itzuli beharrik izango, eta hilean behin joan beharko du epaitegira sinatzera. 2019ko abendura arteko zigorra zuen ezarria.

1992ko martxoko Bidarteko polizia operazioan atxilotu zuten Alvarez Santacristina, ETAko zuzendaritzako kide zela. Duela hiru urte, Euskal Herriko Unibertsitateko udako ikastaro batean hartu zuen parte eskutitz bidez, eta barkamena eskatu zien ETAk eragindako biktimei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna