DONOSTIAKO ZINEMALDIA

Karmele Soler makillatzaile donostiarrak jasoko du Zinemira saria

Euskal zinemari zuzendutako saila aurkeztu du Donostiako Zinemaldiak. ‘Gure sorlekuaren bila’ dokumentala ikusi ahalko da.

Berria -

2015eko abuztuak 25

Gure sor lekua euskarazko lehen filmaren harira ekoiztutako dokumentala Zinemiran estreinatuko da: Gure sorlekuaren bila. Saila osatuko duten gainontzeko zazpi film luzeen berri ere eman dute: Un otoño sin Berlin, Jai Alai Blues, Walls eta Sanctuaire telefilma, besteak beste.

Mundu mailako estreinaldiak Gure sorlekuaren bila, Un otoño sin Berlin eta Jai Alai Blues filmenak izango dira. Bestalde, Asterix: Jainkoen egoitza euskaraz emango dute Belodromoan.

Euskal zinemagintzako pertsona baten ibilbidea saritzen du Donostiako Zinemaldiak urtero, eta aurten Karmele Soler makillatzaile donostiarrak jaso du. Ibilbide luzea egina du zinemaren munduan Solerrek, eta titulu ugari jasoak. 2012. urtean Goya sari bat eskuratu zuen Pedro Almodovarren La piel que habito filmean egindako lanagatik.

Kristina Uriarte Eusko Jaurlaritzako Hezkuntza sailburuak egin du sailaren aurkezpena, eta bertan izan dira, besteak beste, Jose Luis Rebordinos Zinemaldiko zuzendaria eta EITBko zuzendari Maite Iturbe.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna