Noiz sortua: 2015-10-19 12:23:15

sexu abusua

Ustez erasoa jasan zuen ikaslearen aitak auzi kanonikoa berriro irekitzeko eskatu du

Frantzisko aita santuak itxitzat jo zuen Gazteluetako sexu erasoen auzia. Hala ere, Getxoko epaitegietan jarritako kereilak aurrera jarraitzen du.

Gaztelueta ikastetxearen kanpoaldea./
Gaztelueta ikastetxearen kanpoaldea./ LUIS TEJIDO / EFE

Berria -

2015eko urriak 19

Auziaren berri emateko idatzi zioten aita santuari ikasleen gurasoek, eta iazko Gabonetan erantzun zien hark, gutun bidez. Elkartasuna agertzeaz gain, azaldu zien Fedearen Irakasbiderako Kongregazioaren esku jarri zuela haiek bidalitako dokumentazio guztia, "epaiketa kanonikoa zabal dezan irakaslearen eta eskolaren aurka, baina mutikoa gogaitu gabe". 

Handik egun batzuetara, iragarri zuen Fedearen Irakasbiderako Kongregazioak egindako ikerketak ebatzi zuela salatutako kasua ez dela frogatu eta, ondorioz, "akusatuaren izen ona eta fama berrezarri" behar zirela. Hori ikusirik, ustez sexu erasoa jasan zuen ikaslearen aitak gaur Radio Euskadin adierazi du berriro ere eskatzen diotela Frantziskori ikerketa kanonikoa ireki dezan. Izan ere, aitaren ustez, ikerketa ez zen behar bezala egin: "Ikertuz gero, froga ugari daude".

Getxoko epaitegietan jarritako kereilak, berriz, aurrera jarraitzen du. Biktimari zein ustezko erasotzaileari lehen deklarazioa hartu diete. 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osakidetzako langile bat Txagorritxuko laborategi batean lanean. ©Gorka Rubio, Foku

Justizia Auzitegi Nagusiak ebatzi du Osakidetzak arriskuan jarri dituela langileak

Ainhoa Larretxea Agirre - Mikel P. Ansa

Osagileen sindikatuek jarri zuten salaketa, eta ekainaren 16an egin zuten epaiketa. ESK sindikatuak Nekane Murga Osasun sailburuaren eta Osakidetzako zuzendaritzaren dimisioa eskatu du. Osakidetzak, ordea, «positibotzat» jo du ebazpena, epaileak atzera bota dituelako sindikatuen «eskari gehienak».

Jendea paseoan, konfinamendua arintzeko lehen fasean. ©JON URBE/ FOKU

Jaurlaritzak ziurtatu du COVID-19aren agerraldiak «kontrolatuta» daudela

Irati Urdalleta Lete

Beste hamalau positibo eta hiru hildako daude. Jaurlaritzak pentsatu du neurriak areagotuko dituela jende pilaketak «mantenduz eta orokortuz» gero

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna