Noiz sortua: 2015-10-20 08:23:25

euskal presoak

Ibon Iparragirreren egoera "okertu" egin dela salatu dute

Preso ondarroarraren kontrako epaiketa izan da gaur Bilbon. Iparra Galdu Baik plataformak deituta, kontzentrazioa egin dute preso gaixoa aske utz dezatela eskatzeko.

Preso gaixoa aske uzteko eginiko elkarretaratzea./
Preso gaixoa aske uzteko eginiko elkarretaratzea./ Argazki Press

Berria -

2015eko urriak 20

Preso sozial batek Iparragirre salatu zuen iaz Basauriko espetxean gertatu zen istilu bategatik, eta horregatik epaitu dute. Preso sozialak salatu du iazko apirilaren 14an Iparragirrek kosk egin ziola, eta GIB birusa duenez kutsatu egin zuela. Iparragirrek, berriz, hori ez zela horrela gertatu esan du hasieratik. Azkenean, absolbitu egin dute.

Ibon Iparragirre Alcala-Mecoko espetxetik Zaballako (Araba) espetxera iritsi zen joan zen asteko ostiralean. Epaitegiaren atarian elkarretaratzea egin dute, presoa berehala etxera dezatela eskatzeko. Izan ere, gaixotasuna areagotzen ari dela eta haren osasun egoera "okertu" egin dela salatu dute.

Azken egunotan ekitaldi asko egin dira preso ondarroarra aske uzteko eskatzeko. Iparra Galdu Baik presoaren aldeko plataformak deituta, larunbatean manifestazio jendetsua egin zuten. Iñigo Urkullu lehendakariak ere aske uzteko eskatu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna