Albistea entzun

euskal presoak

Abokatuek diote presoen eskubideak irizpide politikoen menpe utzi direla

Salatu dute Auzitegi Nazionalak EPPK-koak urruntzea justifikatu duela "izaera ideologikoagatik".

Iñaki Goioaga eta Jaione Karrera, gaurko agerraldian./
Iñaki Goioaga eta Jaione Karrera, gaurko agerraldian./ Andoni Canellada/Argazki Press

Hodei Iruretagoiena -

2015eko urriak 31 14:15

Salbuespen dena zilegi jotzen duela salatu dute Iñaki Goioaga eta Jaione Karrera abokatuek: soilik EPPK-ko presoei ezartzen baitiete urruntzea, "izaera ideologikoagatik". Izan ere, Auzitegi Nazionalak zilegi jotzen du, abokatuen esanetan, presoaren askatasun ideologikoa baldintzatzea.Izan ere, ETAren jardun armatuaren amaiera aipatu dute epaileek. Espainiako Gobernuak espetxe politika egoera horretara "moldatu" duela diote, Langraiz bidea delakoaren bidez —PPren gobernuak eten egin zuen—. Hori onartzen ez dutenei, ordea, sakabanaketa ezartzea justifikatzen du.

"Oso larritzat" jo dute hori abokatuek, eta senideak ere jopuntuan jartzen dituztela ohartarazi dute. "Kriminalizatu" egin dituztela. Auzitegi Nazionaleko epaileen argudioetako bat da hobe dela presoarentzat senideengandik urrun egotea, abokatuen hitzetan, "senideak 'mundu terrorista' delako batekin lotzen dituztelako".

Abokatuek salatu dute eskubideen bermea irizpide politikoen menpe uzten duela Espainiako Auzitegi Nazionalak; hau da, Esapainiako Barne Ministerioaren irizpideen menpe. Horrek kezka sortzen diela nabarmendu dute, berez, Auzitegi Nazionala bera delako presoen eskubideak bermatzeko ardura duena. "Arrazoi politikoa nagusitu da, jantzi judizialarekin".

Babes helegitea Konstituzionalean

Espainiako Auzitegi Nazionalak Zaballako espetxera (Araba) ekartzeko eskaria ukatu dio 18/98 sumarioan zigortutako Carlos Trenorri. Hari buruzko autoa bakarrik jaso dute epaileek, baina erabaki horrek beste hainbat presori ere eragingo die. Jakinarazi dutenez, 27 helegite jarri dituzte oraingoz. Aurrez espetxe zaintzako epailearen aurrean egin zituzten Euskal Herriratzeko eskaerak, baina ezezkoa jaso zuten denek. Erabaki horren aurka Trenorrek jarritako helegitea aztertu eta baztertu du Auzitegi Nazionaleko Lehenengo Zigor Salak. Orain, Auzitegi Konstituzionalean jarriko dute helegitea, eta hark ukatuz gero, Estrasburgora joko lukete.

Trenor presoak argudiatu zuen urruntze politikarekin oinarrizko eskubideak urratzen direla; besteak beste, komunikazio, aholkularitza juridiko, osasun arreta eta hezkuntzarako eskubideak, eta baita nazioarteko legedia ere. "Ez da oinarrizko eskubiderik urratu, ezta Europako Giza Eskubideen Auzitegiaren jurisprudentziaren ez besteren aurka jokatu ere", ebatzi du Fernando Grande-Marlaska buru duen salak. ETAren jardun armatuaren amaiera ere aipatu dute epaileek. Espainiako Gobernuak espetxe politika egoera horretara "moldatu" duela diote, Langraiz bidea delakoaren bidez —PPren gobernuak eten egin zuen—.

Bost epaile babestu dute erabakai, eta batek eman du epaiaren aurkako boto partikularra: Ramon Saez Valcarcel epaileak. Haren arabera, "indarkeria terrorista arbuiatzen duen errealitate sozial aldakor batekin lotura izateko mekanismoa" izan daiteke lagun eta senideekiko gertutasuna, eta, halaber, bultza dezake "gogoeta biktimei egindako oinazea aitortzeko bidean".

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ekaitz Sirvent, espetxetik atera berri. ©Etxerat

Aske geratu da Ekaitz Sirvent euskal presoa

Berria

Hamahiru urte egin ditu Frantziako espetxeetan preso. Mont-de-Marsango kartzelan zegoen azken euskal presoa zen.

Nafarroa Berriz Altxa-ko kideak, joan den apirilean. ©IDOIA ZABALETA / FOKU

Memoria, burujabetzarako

Maddi Ane Txoperena Iribarren

Nafarroa Berriz Altxa-k «historia idatzi» nahi du ekainaren 5ean eginen duten Amaiuraldian

Casanova, Eusko Legebiltzarrean, artxiboko irudi batean. ©Endika Portillo / Foku

EH Bilduk Iker Casanova proposatu du Bizkaiko ahaldun nagusi izateko

Jon O. Urain

Hautagaitzak proposatzeko barne prozesua ekainaren 5era arte egongo da zabalik.

Pello Otxandiano EH Bilduko Programa zuzendaria, indar subiranistak martxoaren 30ean Bilboko Euskaldunan egin zuen ekitaldian. ©MONIKA DEL VALLE / FOKU

«Lidergo kooperatiborako» deia

Jon O. Urain

EH Bilduk Euskal Eredua agirian jaso du datozen urteetarako egitasmo politikoa. Haren diagnostikoa da «inertziak kudeatzen» ari direla baina «norabide berri bat» behar dela

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...