ESPAINIAKO GORTEETARAKO HAUTESKUNDEAK

Aurkeztu dute Aldaketa, Nafarroako Gobernua babesten duten alderdien hautagaitza

Espainiako Gorteetarako hauteskundeetan Senatura Geroa Bai, EH Bildu, Ahal Dugu eta Ezkerrak aurkeztuko duten hautagaitza bateratuaren aurkezpen ekitaldia egin dute Iruñean.

Geroa Bai, EH Bildu, Ahal Dugu eta Ezkerraren hautagaitza bateratuaren aurkezpen ekitaldiaa.
Geroa Bai, EH Bildu, Ahal Dugu eta Ezkerraren hautagaitza bateratuaren aurkezpen ekitaldiaa. Iñigo Uriz / Argazki Press

Berria -

2015eko azaroak 6

Geroa Baik, EH Bilduk eta Ezkerrak aukeratuko dituzte hiru hautagaiak, eta Ahal Dugu-koa izango da parlamentuak izendatutako senataria. Probintzia bakoitzetik hiru senatari aukeratzen dira boto bidez, zerrenda irekietan, eta autonomia erkidegoko parlamentuak izendatzen du laugarrena. Nafarroan, Ahal Dugu-ko Idoia Villanueva izango da senatari autonomikoa.

Nafarroako Gobernua babesten duten alderdiek senaturako hautagaitzaren aurkezpen ekitaldia egin dute Iruñeko San Agustin kaleko Antzerki Eskolan. EH Bilduk Patxi Zamora Kontuz elkarteko eleduna eta Ezkerrak Iñaki Bernal hautagaiak aurkeztu ondotik, Gero Baik Ana Lujan Tuterako Argia ikastolako zuzendari ohia hautatu du Senaturako zerrenda bateratuan joateko.

Hautagai elkarte baten formula erabiliko dute, eta, beraz, 5.000 sinadura bildu beharko dituzte abenduaren 20ko bozetara modu horretan aurkezteko. "Nafarroako aldaketaren ahotsa Madrilen entzungo denaren bermea da Aldaketa", adierazi du Zamorak aurkezpenean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna