UPN eta PP elkarrekin aurkeztuko dira Espainiako Gorteetarako bozetara. Bi alderdiek hitzartu zutenez, Espainiako Kongresurako zerrendan aurreneko bi postuak UPNkoak izango dira, eta alderdi horrek jakinarazi ditu bi postu horiek beteko dituzten hautagaiak: Iñigo Alli eta Carlos Salvador.
UPNko Kontseilu Politikoak %83ko babesarekin onartu du Zerrenden Batzordearen proposamena. Bestalde, Patxi Yanguas izango da UPNren zerrendaburua Senaturako.