ADIERAZPEN ASKATASUNA

'Mozal legea' Estrasburgora eramango dute

'Ahotsa.info'-k joko du auzitara, Carmen Albak bidalitako eskutitz batean oinarrituta. Legeak informazio eskubidea urratzen duela uste dute.

Mozal legearen aurkako protesta.
Mozal legearen aurkako protesta. MARISOL RAMIREZ / ARGAZKI PRESS

Hodei Iruretagoiena -

2015eko abenduak 14

Defendatzen duena defendatu plataformak aurkeztuko du salaketa Giza Eskubideen Europako Auzitegian —Espainiako Estatuko jurista eta kazetari ugari biltzen ditu plataformak—, eta horrekin bat egingo du Mintza kultur elkarteak, Ahotsa.info-ren editoreak .

Martxoan onartu zuen Espainiako Kongresuak mozal legea. Kritikak, protestak, gaitzespenak... Zalaparta piztu zuen. Ez zen ongi etorria izan. PPren gehiengo osoarekin, ordea, irailaren 1ean jarri zen indarrean Herritarren Segurtasun Legea delakoa, baita Zigor Kode berria ere.

Salaketa aurkeztuko duen plataformak adierazi du arau horrek Europako Giza Eskubideen Ituna eta Eskubide Zibil eta Politikoen Nazioarteko Ituna urratzen dituela, besteak beste. Gainera, azaldu du auzia "hauteskunde eztabaidaren erdigunean" kokatu eta alderdiak posizionatzea bilatzen duela, adierazpen, iritzi, informazio, manifestazio eta biltzeko askatasuna babestea helburu.

Carmen Alba Espainiako Gobernuak Nafarroan duen ordezkariak bidalitako gutun bat jaso zuen Ahotsa.info hedabideak. Aurtengo sanferminetan —uztailaren 11n— Poliziak egindako sarekada baten inguruko albistea du oinarrian oharrak. "Baimenik gabe irudiak grabatzea" egotzita, Poliziak komunikabidearen aurkako salaketa jarri zuen uztailean. Poliziaren datuak eta irudiak baimenik gabe erabiltzeagatik zehaztutako isunak 601 eta 30.000 euro artekoak dira.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iruñeko ospitaleko osasun langileak, gaixo bat artatzen babeserako ekipamenduekin, artxiboko irudi batean. ©MARISOL RAMIREZ / FOKU

«Tentsioa» ospitaleetan

Olatz Esteban Ezkati

Beste 505 kasu atzeman dituzte Hego Euskal Herrian. Gaitza zuten zazpi pertsona hil ziren iragan astean Araban, Bizkaian eta Gipuzkoan. Zamudioko zahar etxe batean 18 positibo izan dira

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna