Berako Udalak oso bilkura berezia egin du gaur Altzugurenen heriotza salatzeko. Udalbatzarrean aho batez onartu dute Berainez herri plataformak, eta Udal Gobernua osatzen dute EA, Aralar eta Herrialdek adostutako testua.
Han, sakabanaketa politika salatu eta Altzugurenen familiari babesa agertzeaz gain, "ardura agintaritza politikoarena" dela salatzen da. Izan ere, "espetxeak eragindako depresiorako joera zeukan" pertsona bat, hori horrela zela jakinda ere espetxeratu eta sakabatu egin zutela diote. "Heriotza hau saihesten ahal zen" Berako Udalaren iritzian.
Jende ugari bildu da udalbatzarrean, eta amaitutakoan elkarretaratzea egin dute plazan, Guardia Zibilaren begiradapean.
Berako Udala: "Heriotza hau saihesten ahal zen; agintari politikoena da ardura"
Iruzkinak
Ez dago iruzkinik
Ordenatu
