Erabakitzeko eskubidea

Bakaikun ere herri galdeketa egingo dute ekainean

Hilaren 19an egingo dute, Dimarekin (Bizkaia) eta Goierriko hainbat herrirekin (Gipuzkoa) batera, Gure h(a)itzak lelopean.

Berria -

2016ko otsailak 1

Larunbateko herri batzarrean parte hartu zuten 60 lagunek erabaki zuten galdeketa egitea Bakaikun (Nafarroa). Antolatzaileek adierazi dutenez, “babes anitza” jaso dute galdeketa antolatzeko orain artean: “ Oraingoz 130 sinadura lortu ditugu [290 pertsonak osatzen dute herriko zentsoa]. Dena den, bilketa ez da bukatu, eta kopurua handitzea da gure helburua”.

Bakaikuko Gure Esku Dago-k adierazi duenez, lantalde bat jarriko dute martxan, herritarrekin batera, galdera eta metodologia adosteko. “Gune irekiak sortuko ditugu, bakaikuarrek parte hartzeko”.

Bakaikuko sinbolo bat hartu dute oinarri galdeketaren lelo gisa, Urbasako Hiru Haitzak: “Gure eta hitzak/haitzak hitz-jokoaren bidez, gure herriaren nortasunarekin lotzen dugu galdeketa, era berean, haitz horien gerizpea iritzi anitzen topaleku bilakatuz”.

Galdeketak, ekainean

Goierritarrek eta dimoztarrek aurrez aukeratutako egun berean egingo dute galdeketa Bakaikun. Azpeitian (Gipuzkoa), berriz, astebete lehenago egingo dute. Bilbo Handian ere abiatu dute ekimena, eta “ekitaldi erraldoi bat” iragarri zuten ekainerako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna