Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

GURASOTASUN BAIMENAK

Kontziliazioa indartzeko neurriak hartzeko eskatu dio Eusko Legebiltzarrak Jaurlaritzari

Haurren zaintzarako gurasoek seina hilabeteko baimena izatea proposatu du EH Bilduk, baina baztertu egin du hori Eusko Legebiltzarrak.

Eusko Legebiltzarreko osoko bilkura bat.
Eusko Legebiltzarreko osoko bilkura bat. / Eusko Legebiltzarra

Jon O. Urain -

2016ko otsailak 25

EAJk, PPk eta UPDk erdibideko zuzenketa bat onartuta, Eusko Legebiltzarrak Jaurlaritzari eskatu dio "bere eskumenen barruan, indartu ditzala neurriak lan eremuan kontziliazioa eta adingabeen eta menpekoen
arreta errazte aldera". Halaber, galdegin dio bultza ditzala eragile sozialen arteko akordioak "negoziazio kolektiboan, hartara bultzatzeko kontziliazio erantzukiderako neurriak enpresa pribatuan".

Espainiako Gobernuari ere egin dizkiote eskaerak; "egoera ekonomikoak ahalbidetzen duenean eta ordutegien arrazionalizazioa, bizitza pertsonal, familiar eta laboralaren kontziliazioa eta erantzukidetasuna aztertzeko azpibatzordearen gomendioak kontuan izanik, ekin diezaiola jaiotza, adopzio eta harreragatiko baimenen erreforma integralari".

EH Bilduk aurkeztu du Eusko Legebiltzarrean legez besteko proposamena. Koalizio subiranistak aurkezutako proposamenak zenbait neurri jasotzen zituen; gurasoek aste kopuru bera izatea —seina hilabete—, %100 ordainduak, eta guraso bati dagozkion asteak besteari emateko aukerarik ez egotea. Gainera, familia eredu ezberdinak aintzat hartze aldera, gurasotasun baimenez hitz egitea proposatu du, amatasun eta aitatasun baimenei buruz jardun beharrean.

Lur Etxeberria koalizioko legebiltzarkideak defendatu du proposamena. Espainiarena da baimenen inguruko eskumena, baina Jaurlaritzari eskatu dio bere langileen artean abia dezala proiektu bat neurri horiek ezartzeko. Islandia jarri du adibide, hasieran Reykjavik hiriburuko udalean ezarritako programa herrialde osora orokortu baitzuten.

Egun, hamasei astekoa da amatasun baimena, eta bi astekoa aitatasunarena. Horrek "rol tradizionalak indartzen" dituela uste du Etxeberriak, eta "zaintzaren ardura nagusia emakumeen esku uzten eta gizonak lan merkatura itzularazten". PSEk babestu du EH Bilduren ekinbidea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bilboko Zorrotza auzoan dozena bat auto urperatu zituen ibaiak. ©LUIS TEJIDO / EFE

Elur urtuak eta ibaien emari handiek kalteak eragin dituzte

Javi West Larrañaga

Cadagua eta Nerbioi ibaiek egin dituzte kalterik handienak Bizkaian. Auzokide batzuek ezin izan dituzte ibilgailuak garajetik atera
Irune Costumero, artxiboko irudi batean. ©ANDONI CANELLADA / FOKU

Irune Costumerori alabaren zaintza partekatua ukatu dio auzitegiak

Erredakzioa

GAS gurasoen alienazio sindrome faltsua argudio hartuta, kendu egin zioten zaintza 2017an. Costumerok mendekutzat jo du epaia
Taberna bat, bezeroz beteta. ©GUILLAUME FAUVEAU

Araban, Bizkaian eta Gipuzkoan COVID ziurtagiria exijitzearen alde azaldu da Auzitegi Goreneko fiskaltza

Ion Orzaiz

Fiskaltzak ontzat jo du Eusko Jaurlaritzak EAEko Auzitegi Nagusiaren epaiaren kontra jarritako helegitea

Asier Zabaleta eta Marian Gerrikabeitia: «Ondo gaude»

Asier Zabaleta eta Marian Gerrikabeitia ostegunean itzuliko dira Euskal Herrira

Paulo Ostolaza

Mozambiken harrapatuta daude dantzaria eta kazetaria, omikron aldaera dela-eta mugak itxi dituztelako hainbat herrialdek. Espainiako Gobernuak antolatu du etxera eramango dituen hegaldia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.