Hezkuntza

Hirugarren mailako azterketei planto egitera deitu dute sindikatuek

ELA, LAB, Steilas, CCOO eta UGT sindikatuek agerraldi bateratua egin dute Eusko Jaurlaritzaren Heziberri plana salatzeko.

2016ko martxoaren 16a
07:47
Entzun

Hezkuntza sailak LOMCEren neurriko traje bat egin du, LOMCEk eskatzen dituen elementu guztiak betez eta LOMCEk egiten dituen eraso eta atzerapauso nagusiei bide emanez”. Xabier Irastortza ELAko ordezkariaren aburuz, Hezkuntza Saila oso maltzur ari da jokatzen ezarri dituen azterketak ebaluazio diagnostikoak direla jendeari sinetsarazteko.

Hori horrela, iaz egindako moduan, hainbat hezkuntza eragilek argi utzi dute euren erabateko aurkakotasuna Eusko Jaurlaritzak 3. mailako azterketa modu orokorrean egiteko hartu duen erabakiari. Irastortzak aldarri egin du: “Hezkuntza komunitate osoari dei egiten diogu LOMCEk eta Heziberrik ezartzen duten 3. mailako azterketari planto egitera eta, horrekin batera, ebaluazio eredu berri baten eraikuntzan lan egitera”.

Jaurlaritzak otsailean onartutako dekretu baten bidez, azterketa hori egitearen ardura ikastetxeen gain utzi zuen, baina sindikatuen esanetan, dekretu horrek gauzak erraztu ordez, zalaparta eta zalantza sortu du ikastetxeetan.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.