Albistea entzun

Literatura

Asier Serranok irabazi du Xabier Lete Poesia Saria 'Linbotarrak' lanarengatik

Egileak erabilitako "irudi poetiko askotariko distiratsuak" nabarmendu ditu epaimahaiak. Sarituak Jose Ramon Andaren eskultura bat eta 12.000 euro jasoko ditu. Pamiela argitaletxeak plazaratuko du lana, aste gutxi batzuk barru.

Asier Serrano, 2011ko irudi batean.
Asier Serrano, 2011ko irudi batean. Gari Garaialde / Argazki Press

Gorka Erostarbe Leunda -

2016ko apirilak 12 13:14

Sorkuntza bolada emankorrean eta sariei dagokienez trenpu onean jarraitzen du Asier Serranok (Eibar, Gipuzkoa, 1975). Oraintsu Irun Hiria poesia lehiaketa irabazi zuen Ate osteko itzalak lanarekin, eta, orain berriz, Xabier Lete III. poesia saria eskuratu du Linbotarrak poemarioarengatik. Aurreko edizioetan Karlos Linazasorok eta Luis Gardek jaso zuten saria.

Donostiako Koldo Mitxelena Kulturunean egindako agerraldi publikoan jakinarazi dute saritua Denis Itxaso Gipuzkoako Kultura diputatuak eta Joxerra Gartzia epaimahaiko kideak. Serrano bera ere han izan da. Azaldu du saiatu dela "libre" idazten, "filtrorik gabeko kamera" erabili duela idazketarako, eta linboa egungo munduarekin parekatu du. "Ni linbotarra naiz, baina denok gara linbotarrak. Linboa lurra da: gure Europa hau, gure Euskal Herria hau. Bizirik dirauten hildakoak, eta era berean, hildakoa bere baitan daramaten biziak ageri dira liburuan". 

Epaimahiko kide Gartziak azaldu duenez, "linboaren metaforak besterik iradoki balezake ere, ez da hemen aingeru konturik batere. Aitzitik, arras kontu mundutarrak dira poemotan jorratzen direnk, eguneroko jokabideetatik hasi eta kritika sozial eta politikorainoko esparru guztian. Bestalde, ez dira gutxi poemotan agertzen diren ukitu surrealistak, eta poemategiak dezente du popetik edo are poesia filosofokotik ere. Ororen buru, hizkera eta irudi zuzenak erraz biltzen du irakurlea poetak egiten duen barne bidaira".

Serrano esker oneko agertu da bai sariekiko eta baita erakundeen lanarekiko, "nahiz eta garai batean kritikatu nituen", eta adierazi du bai Irun Hirian eta baita Xabier Lete sariketetan irabazitakoa "ikuskari poetiko musikal bat" bideratzeko erabiliko duela. "Norbaitek kritikatuko badu sariok jaso izana, jakin dezala kultur inbertsio bat egiteko erabiliko dudala dirua". Hamar urte igaro dira Serranok Hoteleko kantuak (2005) azken diskoa kaleratu zuenetik. Orduan "nekatuta" bukatu zuela , "zuzenekoetan agertzeko indarrik gabe", adierazi du, baina, "materiale berria" daukala eta horrek motibatu egiten duela gaineratuz. Dagoeneko orduko musikariekin elkartu da eta zuzeneko emanaldi batzuk prestatzen ari da.

 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Oier Guillan, Agurtzane Solaberrieta eta Haritz Azurmendi ©Jakin

Idoia Beratarbide eta Oier Guillan dira Joan Mari Torrealdai ikerketa bekaren irabazleak

Isabel Jaurena

'Artxibo biluzia' saritu dute, Torrealdairen artxiboen lapurreta abiapuntu duen proiektua.

Martxan da Durangoko 57. Azoka

Aurten bai: ohiko irudiak ikusi dira Durangoko Azokaren lehen egunean

Paulo Ostolaza

Goizean ireki ditu ateak Landako guneak, eta ikasleak izan dira protagonista han. Arratsaldean egin dute irekiera ekitaldia, Barrexerka antzerki taldearen eskutik.

Langileak Durangoko Landako guneko salamahaietako bat prestatzen, atzo. ©MARISOL RAMIREZ / FOKU

Eztanda baten esperantzan

Iñigo Astiz

Gaur hasiko da Durangoko 57. Azoka, eta, azken bi urteetako gorabeheren ondoren, pandemia aurreko itxura berreskuratzeko erronka izango du aurrez aurre igandera bitarte. Musikaren euskarri fisikoen krisiak eta prezioen igoerak eragindako ziurgabetasunari ere erantzun beharko dio.

 ©Aritz Loiola, FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...