Auzitegiak

Iñaki Goioaga auzipetu du Gorenak, ETAko kide izatea egotzita

Goioaga "ETAren aginduetara aritzen ziren abokatuen taldekoa" dela uste du Miguel Colmenero Espainiako Auzitegi Goreneko magistratuak, eta auzipetu egin du. Jone Goirizelaiak helegitea jarriko du.

2016ko apirilaren 22a
10:53
Entzun

Espainiako Auzitegi Nazionalak Zulueta, Enparantza, Sarriegi eta beste sei lagunen kontra 19 urte arteko zigor eskaerak egin ostean, Goiaga auziperatzea erabaki du Auzitegi Gorenak, ETAko kide izatea egotzita. Espainiako senataria da Goioaga, eta beraz, foruduna. Horregatik, ezin du Espainiako Auzitegi Nazionalak auzipetu; Gorenak auzipetu behar du.

Autoak dionez, "taldeko gainerako kideak bezala, parte hartze aktiboa zuen Goioagak, ETAren orbitan dauden presoei bisitak eginez". Hala, "ETAko kide edo laguntzaile" da Goiaga, Colmeneroren irudiko, eta auzipetu egin du, eta deklaratzera deitu du hilaren 28an. 6.000 euroko bermea jarri dio, pasaportea kendu dio eta hil bakoitzeko 1ean eta 15ean deklaratzera joan beharko du, etxetik gertuen duen auzitegira.

Epaileak dioenez, frogatuta dago presoekin egindako bisitetan ETAren eta presoen arteko bitartekari lanak egiten zituela Goioagak. "Presoak marko ideologikoan mantentzen laguntzen zuen, ETAren egitura eta diziplinapean". Bere ustez, frogatuta dago "ETAren espetxe fronteak" egitura handia duela, presoei "asistentzia juridikoa, medikoa, soziala, ekonomikoa etabar emateko". Hori "ETAren gidaritzapean" egiten zela dio, eta beraz, hori egiten zutenak ETAkoak edo ETAren laguntzaileak direla.

Jone Goirizelaia abokatuak salatu du Goioagaren abokatu lana eten nahi duela Auzitegiak; Goiagak egin duena horixe baita bere esanetan: abokatu lana.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.