PILOTA

Irujok ez du jokatuko final-laurdenetako partida

Iberoko aurrelaria ez da osatu ezker eskuko hatz batean duen lesioaz, eta uko egin dio Jokin Altunaren aurka jokatzeari.

Irujo, min hartuta, binakako finalean.
Irujo, min hartuta, binakako finalean. Marisola Ramirez / Argazki Press

Berria -

2016ko apirilak 26

Jokin Altuna Banakako Txapelketako finalerdietan dago jada. Jokatu gabe egin du aurrera. Juan Martinez de Irujorekin neurtu behar zituen indarrak datorren astehenean Tolosako Beotibar pilotalekuan final-laurdenetako azken kanporaketan, baina neurketa hori ez da azkenean jokatuko, Irujok uko egin baitio norgehiagoka hori jokatzeari. Iberoko aurrelariak bihar egin behar zuen proba erabakigarria jokatzeko moduan zegoen edo ez jakiteko, baina gaurko entrenamendu saioan konturatu da ezinezkoa zela garaiz osatzea. Altuna III.ak Mikel Urrutikoetxea edo Joseba Ezkurdia izango du aurkari finalerdietan. Urrutikoetxeak eta Ezkurdiak igande honetan jokatuko dute elkarren aurka, Bilboko Bizkaia pilotalekuan. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna