Albistea entzun

Txotxongiloen jaialdia

Mundu osoko txotxongiloak bat eginda

World Puppet Festival jaialdia egingo dute Donostian eta Tolosan maiatzaren 28tik ekainaren 5era bitartean, Donostia 2016k eta Topic Tolosako Nazioarteko Txotxongilo Zentroak elkarlanean antolatuta. Mundu osoko 30 konpainia baino gehiagok emanaldiak egingo dituzte kalean nahiz areto itxietan.

Donostia 2016ko eta Topiceko ordezkariak, goizean, Donostian.
Donostia 2016ko eta Topiceko ordezkariak, goizean, Donostian. Juan CarlosRuiz / Argazki Press

Ihintza Elustondo -

2016ko apirilak 28 13:42

Australiatik eta Txinatik igaro ondoren, lau urtean behin egiten den World Puppet Festival nazioarteko txotxongilo jaialdia Euskal Herrira iritsiko da. Haurrentzat nahiz helduentzat ikuskizunak izango dira: tradiziozkoak batzuk, eta abangoardiako joerak jarraitzen dituztenak besteak. Pablo Berastegi Donostia 2016ren zuzendari nagusiaren esanetan, "udaberriko aposturik handienetako bat" izango da egitasmoa. Kalean egingo diren ikuskizunak dohainik izango dira, eta areto itxietakoak ikusi nahi izanez gero, sarrerak Donostia Kulturako ohiko saltokietan eskura daitezke.

Belgikako Tol Theatre konpainiak egingo du jaialdiaren inaugurazio ekitaldia, eta, ikuskizun horretan, garabi handi batek txotxongiloak, aktoreak, bizikletak nahiz abeslariak hegan jarriko ditu. Maiatzaren 28an, Donostiako Zurriola hondartza inguruan izango da emanaldia, eguraldiak laguntzen badu. Aretoetan programatutako ikuskizunen artean, Frantziako Theatre La Licorne konpainiaren Spartacus nabarmendu dute antolatzaileek: zuzeneko musikarekin girotutako zirku erromatar bat da. Red Earth Revisited ikuskizunean, berriz, Hegoafrikako Assitej South Africa konpainiak, Herbehereetako Speetheater taldeak eta Euskal Herriko bi txotxongilolarik parte hartuko dute. Andaluziako Espejo Negro taldearen Oscar, el niño dormido obra ere ikusgai izango da; Feten Europako Haur Antzerki Azokan ikuskizun onenaren saria irabazi zuen.

Horrekin batera, Nazioarteko Unima erakundeak lau urtean behin egiten duen kongresua izango da. Zuzendaritza batzordea eta herrialde guztietako elkarteko kideak batzar batean bilduko dira, eta zuzendaritza batzorde berria aukeratzeaz gain, proiektuak berrikusi eta datozen lau urteetarako jarduera ildo nagusiak finkatuko dituzte.

Euskal Herriko Unibertsitateko Udako Ikastaroetan ere izango du bere lekua egitasmoak: maiatzaren 28an eta 29an hitzaldi sorta bat egingo dute Europako hainbat herrialdetako unibertsitateetako irakasleek. Europako eta Ameriketako txotxongilo tradizioa eta errege makinek —komediak antzezten zituzten txotxongilo konpainia komertzialek— horietan izan duen eragina landuko dituzte.

Erakusketa bat ere zabalduko dute maiatzaren 28an, Donostiako Okendo kultur etxean: XX. mendeko maisuak. Espainiako Estatuko txotxongiloak. Espainiako XX. mendeko txotxongiloei buruzko atzera begirako bat izango da, eta bereziki sakonduko dute 36ko gerrak eta frankismoak ibilbidea etenarazi zielako hain ezagunak egin ez diren txotxongilolarietan.

 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

<b>Finala.</b> 2017ko Bertsolari Txapelketa Nagusiko finala, BECen. ©A. LOIOLA / FOKU

Txapelketa: zauri edo ukendu

Miren Mujika Telleria

Bilboko Bizkaia pilotalekua izango du azken geltoki Txapelketa Nagusiaren trenak. Ibilbide gorabeheratsua eginda, gaur helduko da hara. Kolpea edo poza izango da gaurko saioa bertsolarientzat, gaur erabakiko baita zein zortzi bertsolari arituko diren Nafarroa Arenako oholtzan.
Jon Sarasua idazlea, atzo, Donostian, <em>Harizko zubiak</em> liburuaren aurkezpenean. ©GORKA RUBIO / FOKU

Hizkuntza lankidetzaren kontrabandoa

Jone Bastida Alzuru

Jon Sarasuak Haitira, Pernambucora, Mexikora eta Tangerrera egindako bidaietako esperientziak eta gogoetak jaso ditu liburu batean: 'Harizko zubiak'. Pamielak atera du

Iñigo Etxezarreta abeslaria <em>Guretzat</em> diskoaren aurkezpenean, atzo, Bilboko Kafe Antzokian. ©MARISOL RAMIREZ / FOKU

Rockero izandakoen runbak

Olatz Silva Rodrigo

ETS taldeak 'Guretzat' diskoa kaleratu du. Ska eta rock doinuak alde batera utzi, eta beste hainbat musika estilo uztartu dituzte

Gartxot komikigileak sortutako <em>Barruan</em> komikiko irudietako bat. ©GARTXOT / ATARAMIÑE

Kartzelak kolpatutako literatura bat

Iñigo Astiz

2002tik 2017ra bitartean kaleratutako liburu kolektiboetako testu hautaketa bat, Jose Mari Sagardui 'Gatza'-ren memoria liburu bat, eta Gartxoten 'Barruan' komikia kaleratu ditu Ataramiñek

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.