Euskara

Ohiturak aldatzea xede

Donostiako Egia auzoan egin bezala, euskara hutsean bizitzen ahaleginduko dira Agurainen ere, lau egunez. Euskara eguneroko esparru guztietara eraman nahi dute horren bidez.

Egitasmoaren aurkezpena.
Egitasmoaren aurkezpena. / Aguraingo Euskalgintza

Aitor Biain -

2016ko maiatzak 10

Donostiako Egia auzoan aurrera eramandako egitasmoa oinarri hartuta, egunerokoan euskara hutsean aritzeko ahalegina egingo dute Agurainen ere (Araba). Gaur aurkeztu dute 75 ordu euskaraz Agurainen egitasmoa. "Ez da jai bat izango, ezta jardueraz beteriko lau egun ere. Lau egunez, egunerokoan, Agurainen euskaraz bizi ahal izateko ekimena da hau", azaldu dute antolatzaileek. Azaroaren 8, 9, 10 eta 11n euskara esparru guztietara eramango dute, "lehen hitza, bigarrena eta hirugarrena ere euskaraz eginda".

Herritar talde batek antolatu du egitasmoa, euskaraz bizitzeko hautua egin duen herritar talde batek, hain zuzen. Eguna iritsi bitartean, herritarrak "aktibatzeko eta ahalduntzeko" ekintzak antolatuko dituzte. Besteak beste, ikastaroak egingo dituzte, "edonon eta edonorekin euskaraz egitean eroso sentitzeko". "Ohitura linguistikoak aldatu nahi ditugu", adierazi dute. Guztira 200 bat norbanako bildu nahi dituzte, eta 150 kolektibo, denda, lantegi eta bestelakoren parte hartzea lortu.

Euskararen erabilera bultzatu nahi dute herrian. Izan ere, Agurainen herritarren ia erdiak dira euskaldun edo ia euskaldun. Erabileraren datuak, berriz, "oso baxuak dira" antolatzaileen esanetan. Hor eragin nahi dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna