ERRESUMA BATUA

Diputatu laborista bat hil dute tiroz, eta 'Brexit'-aren kanpaina bertan behera utzi dute

Jo Coxi bi tiro eman dizkiote. Leedsetik gertu ekitaldi batean parte hartu ostean egin diote eraso. Beste pertsona bat ere zauritu dute.

Berria -

2016ko ekainak 16

41 urte zituen Coxek, eta Erresuma Batuko Alderdi Laboristako diputatua zen Westminsterreko Parlamentuan. 2015eko hauteskundeetan aukeratu zuten lehen aldiz parlamenturako.

Sky News kateak aipatutako lekuko baten arabera, bi aldiz egin diote tiro. Cox odola zeriola gelditu da lurrean, eta erietxera eraman dute. Ordu batzuk geroago hil da. 52 urteko gizonezko bat atxilotu du Poliziak, erasotzailea delakoan.

Erresuma Batuak Europako Batasunean jarraitu ala ez bozkatuko dute ekainaren 23an, eta kanpaina betean gertatu da Coxen tiroketa. Europako Batasunetik irtetearen eta bertan jarraitzearen aldekoek adostuta, bertan behera utzi dute kanpaina gaurkoz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna