MUNDUA

Poliziak Dalian Atkinson Realeko jokalari ohia hil du 'taser' pistolaz Ingalaterran

Realean jokatu zuten lehen atzerritarretako bat izan zen. 1990ean fitxatu zuten, eta, urtebetez soilik jokatu arren, oso maitatua izan zen. Realak dolumina agertu du.

Dalian Atkinson.
Dalian Atkinson.

Berria -

2016ko abuztuak 15

West Merciako Poliziak baieztatu du 48 urteko gizonezko bat hil dela poliziek taser pistolaz tiro egin eta gero. 01:30 aldera egin diote tiro, eta ordu eta erdiz egon dira larrialdi zerbitzuak hura suspertu nahian. Hil egin da, ordea, 03:00 aldera. Poliziak zer dela-eta egin dion tiro ikertzen ari da Poliziaren aurkako Kexen Batzorde Independentea. Realak dolumina agertu du gaur Atkinsonen heriotzaren berri izan ostean.

Erresuma Batuko hedabideek zabaldu dutenez, Dalian Atkinson Realeko jokalari ohia da Ingalaterran hildakoa. 1990ean fitxatu zuen klub txuri-urdinak, 150 milioi pezetaren truke, eta urtebete baino ez zuen jokatu Donostiako taldean. Fitxatutako aurrenetako atzerritarra izanik, ordea, realzale askoren oroimenean geratu zen Atkison. Hamabi gol sartu zituen 29 partidatan; horien artean, gogoangarria da Bartzelonari Camp Noun sartutakoa.

Ondoren, Erresuma Batura itzuli zen, Aston Villan jokatzeko. Ingalaterrako Ligako historian gol onenetarikotzat jotzen dena sartu zuen han:

Realean haren taldekide izandako John Aldridgek samina adierazi du sare sozialetan. Gainera, gogoan izan du Camp Noun eginiko gol hura:

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna